Internet ıirimin sharlap ketken osy hat Ózbekstan prezıdentiniń qyzyna tıesili deıdi. Endeshe oqyp shyǵyp, anyq-qanyǵyna kóz júgirtińizder.
ÓZBEKSTAN PREZIDENTI MIRZIIoEVTIŃ ÚLKEN QYZY SAIDA MIRZIIoEVANYŃ ÁKESINE JOLDAÝY.
Prezıdent Shavkat Mırzııoevtiń úlken qyzy Saıdanyń kózindegi muńdy kim kórdi? Ol jaqyn kúnderi uly Mıromonmen Tashkentte ótip jatqan qaısybir sýretshiniń kórmesinde júrgeninde kózderinde qandaı da bir tereń muń, qaıǵy bar edi.
Aıtýlaryna qaraǵanda Saıda demalys kúnderin syltaýratyp úsh kún úıinde bolmaǵan. Sheshesine qyshlaqqa baryp, ondaǵy qarapaıym halyqtyń turmys jaǵdaılarymen tanysamyn degen jeleýmen, ákesinen ruqsat áperýin ótinedi. Ákesiniń ruqsatyn alǵan Saıda Mırzııoeva bul úsh kúnin eks prezıdent Islam Karımovtyń túrmede jatqan úlken qyzy Gúlnara Karımovanyń qasynda ótkizedi.
Sol úsh kún ishinde túrmede jatyp kórgen-bilgeniniń bárin oı eleginen ótkizip, ákesine tómendegi mazmunda joldaý jazady:
- Ákeshim! Islam Karımov aıaq astynan qaıtys bolyp, Siz prezıdent bolǵanyńyzda anam, men jáne sińilim, jalpy bizdiń otbasymyz baqyttan basymyz aınalyp, kókte ushyp júrgendeı áserde boldyq. Sebebi bir kúnniń ishinde biz Ózbekstannyń eń kúshti, eń baqytty otbasyna aınalyp shyǵa keldik.
Ne istep, ne qoıarymyzdy bilmeı qaldyq. Eń qymbat kıimniń qaısysyn kııýdi, eń qymbat áshekeılerdiń qaısysyn taǵarymyzdy bilmeı dal boldyq. Sonyń arasynda Siz meni jáne sińilim Shahnozany joǵary laýazymdy jumystarǵa qoıdyńyz. Kópshiliktiń nazary Sizge jáne bizdiń otbasymyzǵa qaraı aýdy. Prezıdent bolǵanyńyzdan keıin kúnde keshke januıamyzben "Ahborot" baǵdarlamasynyń jańalyqtaryn kórýdi ádetke aınaldyrdyq. Teledıdardan basynan aıaǵyna deıin "Asa qurmetti prezıdentimiz bylaı dep aıtty, súıikti prezıdentimiz mynadaı tapsyrma berdi "-degen sııaqty Sizge qaratyla aıtylǵan maqtaýlardy esitip tóbemiz kókke jetetin edi. Teledıdar qarap otyryp kózimniń qıyǵymen ózińiz jaqqa qaraǵanymda osy aıtylyp jatqan maqtaýlardyń bári Sizdiń janyńyzǵa jaǵyp jatqanyn sezetinmin. Bárimiz de eldegi áıgili adamdar retinde tanyla bastadyq. Men ózim áleýmettik jelilerde Ózbekstannyń jańa hanshaıymy retinde tanymal boldym. Sol úshin bir orynda turmaı, árqashan eldiń nazaryn ózime aýdartýǵa tyrysyp baqtym. Bir kúni áleýmettik jeliden bir paıdalanýshynyń "Keleshekte Saıda Mırzııoevanyń taǵdyry Gúlnara Karımovanyń taǵdyryn qaıtalaýy múmkin"-degen pikirin oqyp qaldym.
Álgi paıdalanýshynyń pikirin oqyp, tóbe shashym tik turdy, kózim qantalap qabyldaýyńyzǵa baryp pikir jazǵan adamdy jerdiń astynan bolsa da taýyp, óltirip jibertińiz dep aıtpaqshy boldym. Biraq kóńilim alaı-dúleı bolyp ishimnen: "sonda qalaı?, sonda qalaı bolǵany?"-deı berippin. Álgi áleýmettik jelini paıdalanýshynyń "Shavkvt Mırzııoev Islam Karımov sııaqty eldi uzaq basqara almaıdy. Eger osy ketisi bolsa ózi de, otbasy da Karımovtyń januıasynyń taǵdyryn qaıtalaýy múmkin"- dep pikir jazǵan edi. "Sonda men de ákem prezıdenttikten ketkennen keıin Gúlnara Karımovanyń kebin kıip, ómirimniń qalǵanyn túrmede ótkizemin be? Meniń súıikti ulym - Mıromon Islam Karımovtyń nemeresi kishi Islam Karımov sııaqty shetelde qashyp-pysyp qańǵyryp qala ma?"-degen oı janymdy jegideı jedi. Sodan keıin meniń júzimnen prezıdenttiń úlken qyzy degen baqyttyń nyshany ketti, biraq ózimdi dúnıedegi eń baqytty áıel retinde kórsetýge májbúrledim. Kúndiz kúlkiden, túnde uıqydan aıyryldym. Sebebi kóz aldymnan túrmede jatqan Gúlnara Karımovanyń sulbasy ketpeı qoıdy.
Men anama "Qalanyń tirliginen sharshadym, ákemnen ruqsat alyp berińiz, aýyl turmysymen tanysyp qaıtaıyn"-dep qolqa saldym. Sizdiń ruqsatyńyzdy alǵannan soń kúıeý balańyzǵa meni Gúlnara Karımova jatqan túrmege alyp baryp, onymen kezdestirýin ótindim. Ol kisi kelisip, meni Gúlnara Karımova jatqan túrmege ákeldi. Gúlnara apaǵa taqqan jańa aıyptaýlardan keıin onyń jalǵyz ózin jeke kameraǵa aýystyrǵan eken. Men basyma parık kıip kirgen bolatynmyn. Alǵashynda Gúlnara apa meni tanymady, basymdaǵy parıkti sheshkennen soń "Saıda, Saıda siz be?"-dep bozdaǵan kúıi moınyma asyla ketti. Men qolymdaǵy parıkpen onyń aýyzyn basyp, daýys shyǵarmaýyn, meniń kelgenimdi eshkimniń bilmeýi kerektigin aıttym. Sosyn shamaly tynyshtaldy. Biz orys tilinde sóılestik. "Saıda, siz meni qutqarýǵa keldińiz be?"- dedi. "Men bul jerge sizdiń jaǵdaıyńyzǵa túspeıin dep, siz sııaqty ómirimniń qalǵanyn túrmede ótkizbeıin dep, sizdiń taǵdyryńyzdy qaıtalamaıyn dep. Sizden aqyl-keńes suraıyn dep. Osy jaǵdaıǵa túsýińizge ne sebep bolǵanyn suraıyn dep keldim. Eger siz maǵan bárin jasyrmaı, tek aqıqatty aıtatyn bolsańyz men ákeme aıtyp, kómektesýge áreket etip kóremin"-dedim.
Ákeshim! Siz sol kezde Gúlnara Karımovanyń ne degenin bilesiz be? "Dıktator ákem Islam Karımovke laǵynet jaýsyn!". Onyń bul sózderi meniń júregime qanjar bolyp qadaldy.
Men oǵan "Gúlnara apa, qoıyńyz olaı demeńiz. Adam óz ata-anasyn qarǵaı ma eken"-dep edim ol taǵy da: "Meniń áke-shesheme laǵynetter jaýsyn"-dedi. Meniń osy jaǵdaıǵa jetýime solar kinali. Ákem ylǵı da sińilim Lola ekeýmizdi bir-birimizge qarsy qoıatyn. Qıt etse "áne Gúlnara senen jaqsy, saǵan qaraǵanda jaqsy oqıdy, aqyldy"-dep nátıjesinde ekeýmizdi bir-birimizge jaý qylyp qoıdy. Ákem prezıdent bolǵannan keıin meniń qarsy bolǵanyma qaramastan Aýǵanstannyń bir baı ózbeginiń balasyna kúıeýge berdi. Ómirim ómir bolmady. Aqyry ajyrasyp kettik. Ákem óz aıybyn bilip meniń betimnen qaqpaı Ózbekstannyń hanshaıymy bolýyma tolyq jol ashty. Shetelge halyqtyń jáne memlekettiń qarjysyn, qymbat metaldaryn alyp ketýime tolyq múmkindik jasap berdi. Shveıarııadaǵy vıllamdy da ákem men úshin satyp aldy. Men januıalyq baqytsyzdyǵymdy baılyq pen toı-dýman, lázzatty ómir súrip umytqym keldi. Eshkim mysyǵyma "kish" dep aıta almaıtyn edi ol kezderi. Aıtqanym aıtqan, degenim degen. Bir aqymaq áıeldiń qııalyna ne kelse, sonyń bárin istedim. Ákemniń bunyń bárinen habary boldy, biraq úndemedi. Ákeme bir emes, myń laǵynet jaýsyn! Ol zalym dıktator edi. Ol jalǵyz meni emes, búkil Ózbekstan halqyn baqytsyz etti, kedeı etti! Ózbekstandy oıynshyqqa aınaldyrdy. Ózi qúrǵan UQQ (ulttyq qaýipsizdik qyzmeti) qylmystyq mekemesin adamdardy jazalaý mashınasyna aınaldyrdy". Men Gúlnara apadan "Osy istegenderińiz úshin ókinesiz be?"-dedim, ol "ıá, ókinemin. Biraq endi onyń paıdasy joq"-dedi. Sóıtip men úsh kúnimdi Gúlnara Karımova jatqan túrmede ótkizdim. Onyń kamerasynda jatatyn jalǵyz tósek oryn bolǵandyqtan ekeýmiz kezektesip jatyp uıyqtadyq. Men ol uıyqtap jatqanda ózimniń bolashaǵymdy kórdim. Áli jasy elýge jetpegen áıel meniń kózime qartaıyp aljyp, esinen aýysqan mystan kempir bolyp kórindi. Ákeshim, Sizdiń bolashaǵyńyz ózińiz ustaz tutqan Islam Karımovtyń bolashaǵyndaı, meniń bolashaǵym Gúlnara Karımovanyń bolashaǵyndaı bola ma? Ákejan, bul degenińiz azap qoı. Bul degenińiz Siz, men búkil áýletimiz, memleketimiz, halqymyz úshin úlken joıqyn apat qoı! Bir kúni bastyǵymnan "Ózbekstanda nege sóz jáne baspasóz erkindigi joq"-dep suradym. Ol kisi úlken aıyp jasaǵan adam sııaqty qınalyp, suraǵyma jaýap bere almady. Ákeshim, Ózbekstanda sóz jáne baspasóz erkindigi joq ekendigi aqıqat qoı. Siz prezıdent bolǵan kezde úı-ishimizben teledıdardan jańalyqtardy birge kóretinbiz, "prezıdentimiz, prezıdentimiz" degen sózder qulaqty sarsytyp bitkeni ras qoı. Endi kelip óz úıimizde "Ahborot" jańalyqtaryn kórmeı qoıǵanymyzdy halyqtan jasyryp qaıtemiz, ákeshim?! Sizdiń saıası reforma júrgizbeı jatqanyńyz, saılaýdyń ádil ótpeı jatqandyǵy, "Olıı majlıske" sizge yńǵaıly jandardyń saılanyp jatqandyǵy aqıqat qoı, Ózbekstanda Karımovtyń dáýirindegideı musylmandarǵa qarsy ártúrli sharalar jasalyp jatqandyǵy, musylman áıelderdiń bastarynan hıdjapty kúshpen sypyryp alyp jatqandary ras qoı, ákejanym! Mıllındaǵan ózbektiń kún kóristiń qamymen shet elde júrgenin bylaı qoıǵanda taǵy mıllıondaǵan adam jumyssyzdyqtyń, kún saıyn yshqynyp bara jatqan qymbatshylyqtyń kesirinen qorjyndaryn túıip, jumys izdep shetel keteıin dep júrgeninen báriniń de habary bar ǵoı. Ákeshim, men túrmede Gúlnara Karımovanyń qasynda úsh kún jatyp, kózim shaıdaı ashyldy. Shyndyqtyń bárin túsindim. Eger Siz Karımov sııaqty dıktator bolatyn bolsańyz halqymyz jáne memleketimizdiń qurdymǵa keterin qazirden kórip turmyn. Eger osy ketisi bolsa Qytaıdyń Zambııany satyp alǵany sııaqty, Ózbekstandy da satyp alýyna esh kúmandanbaımyn. Odan keıin baıǵus ózbek halqynyń basyna qazirgi uıǵyr halqynyń basyna túsken qaraly kún týsa biz ne degen adam bolyp qalamyz, áketaıym?! Ákeshim, bala kúnimnen moınyńyzǵa asylyp, betińizden súıgendi jaqsy kóretinimdi ózińiz bilesiz. Ómir boıy ózińizge solaı erkelep, ardaqtap ótsem deımin. Kúnderdiń kúninde men Gúlnara Karımovanyń óz ákesin qarǵaǵany sııaqty Sizge laǵynet jaýdyrýdy múldem qalamaımyn. Siz prezıdenttikten ketken soń ómirimniń túrmede shirýin qalamaımyn, ákeshim. Ákeshim, súıikti nemereńiz Mıromonnyń, jalpy januıa múshelerimizdiń túrmede nemese shetelde qashyp, qańǵyryp júrgenin qalamaımyn. Keleshekte basymyzǵa osyndaı azapty kúnder túspesin deseńiz osy bastan dıktatýradan bas tartyńyz, ÁKEShIM! DIKTATÝRADAN bas tartyńyz, ÁKEShIM!
QURMETPEN QYZYŃYZ SAIDA.
