Rýslan Tólegenovtyń esimi – jambyldyqtarǵa etene tanys. Jıyrma jylǵa jýyq múmkindigi shekteýli jandardyń máselesimen aınalysyp kele jatqan azamttyń isi kópke úlgi.
Rýslan Qanshybekulynyń negizgi mamandyǵy - zańger. Kemtar jandardyń quqyǵyn qyzǵyshtaı qorǵap júrgen ol 2000 jyldan bastap «Múgedekterdiń jastar qoǵamy» QQ tóraǵasynyń orynbasary bolǵan. Araǵa birneshe jyl salyp, ıaǵnı 2004-2013 jyldar aralyǵynda «Múgedekterdiń jastar qoǵamy» QQ tóraǵasy boldy. Jaýapty jumysyn atqara júrip, 2012 jyly «Jambyl oblystyq múgedektermen jumys isteý «ASAR» uıymdar keńesi» ZTQ-in basqarsa, búginde Jambyl oblysy ákiminiń múmkindigi shekteýli azamattar máselesi boıynsha keńesshisi ári Jambyl oblystyq «Asar» múgedektermen jumysty uıymdastyrý uıymynyń tóraǵasy.
«Bala kezimnen ekinshi top múgedek bolǵandyqtan, kemtar jandardyń ómiriniń ońaı emestigin jaqsy bilemin. Sol sebepti, múgedekter máselesimen aınalysyp, teńizge tamǵan tamshydaı bolsa, olardyń ómirlerin jeńildetýge bar kúsh-jigerimdi salyp kelemin, - deıdi ol aǵynan jarylyp.
Rýslan Tólegenovtyń aıtýynsha, 2000 jyldardyń basynda áleýmettik jobalardyń kópshiligi shet eldik grant berýshiler tarapynan qarjylandyrylǵan. Alaıda ýaqyt óte kele memleket múmkindigi shekteýli jandar quqyǵynyń qorǵalýyna baǵyttalǵan baǵdarlamalardy júzege asyrdy jáne búginde memlekettik áleýmettik tapsyrys aıasynda múgedekterge arnalǵan áleýmettik jobalarǵa kóńili tolatynyn jetkizdi.
Ras, qazirgi tańda múgedekterdi oqytý, jumysqa ornalastyrý, baspanamen qamtamasyz etý, olardyń júrip-turýlaryna tıisti jaǵdaılar jasaý, densaýlyqtaryn ońaltý, saýyqtyrý syndy máseleler birtindep óz sheshimin taýyp keledi.
Dese de, Rýslan Tólegenov múgedekterdiń baspanaly bolýy úshin memleket tarapynan áli de bolsa, birqatar jeńildikter qarastyrylǵanyn qalaıdy.
- Ekinshi deńgeıli bankter birinshi, ekinshi toptaǵy múgedekterdi jumysqa jaramsyz dep tanyp, nesıe bermeıdi. Al ıpotekaǵa úı alý máselesi tipti qıyn. Osy ózekti másele sheshilse eken,-dep júrekjardy tilegin jetkizdi.
Kópshiliktiń esinde bolar, ótken jyly Taraz qalasynda múmkindigi shekteýli balalardy emdeýge arnalǵan ıppoterapııa klýby ashylǵan bolatyn. Jylqy klýby Tarazdaǵy «Zerbulaq» demalys aımaǵynda ornalasqan. Munda emdeý sharalary ótkiziletin úlken ıppodrom da salynǵan. Osynaý ıgi istiń basynda Rýslan Qanshbekulynyń turǵanyn da maqtanyshpen atap ótýge ábden bolady.
«Ippoterapııa – atqa mingizip emdeý, ıaǵnı at bıoórisi erebraldyq sal aýrýyna shaldyqqan adamdar úshin paıdaly. Attyń aıaǵy balanyń júrisin jiti qadaǵalaıdy. Biz damyǵan elderdiń tájirıbesin qoldanyp, ony óz elimizde is-júzine asyryp otyrmyz », – dedi Rýslan Tólegenov.
Aqıqatynda myna dóńgelengen dúnıeni meıirimdilik deıtin asyl sezim saqtap turǵandaı kórinedi. Demek, qoǵamda jomart júrekti jandar kóp bolsa, taǵdyrdyń tálkegine tap bolǵan adamdar da, ol qıyndyqtardy ońaı eńsermek...
«ADYRNA»
ulttyq portaly
