15 mausymda taŋǧy saǧat 09:19-da Almaty oblysyndaǧy Jıŋışkesu – Şelek baǧytyndaǧy temırjol ötkelınde Toyota Land Cruiser avtokölıgı men jük poiyzy soqtyǧysty, dep habarlaidy "Adyrna" ūlttyq portaly.
Būl turaly «Qazaqstan temır joly» ŪK» AQ baspasöz qyzmetı habarlady.
Oqiǧa Jetıgen – Altynköl temırjol uchaskesınde oryn alǧan. Adam şyǧyny tırkelgen joq. Alaida kölık jürgızuşısı qolynan jaraqat alyp, oǧan medisinalyq kömek körsetılgen.
Jük poiyzy apat saldarynan mejelı jerıne 30 minutqa keşıgıp jetken. QTJ mälımetınşe, qyzmetkerlerdıŋ jedel äreket etuınıŋ arqasynda qozǧalys uaqtyly qalpyna keltırılgen.
Eske salsaq, 2025 jylǧy 1 nauryzda Atyrau oblysynyŋ Tendık stansiiasy maŋyndaǧy temırjol ötkelınde KAMAZ jük kölıgı jük poiyzymen soqtyǧysyp, bırneşe adam zardap şekken edı. Temırjol qozǧalysy tek 2 nauryz künı qalpyna keltırılgen bolatyn.
Ūqsas jaŋalyqtar
