Taldyqorǧanda arnaiy operasiia barysynda eldıŋ mülkın ūrlaumen ainalysqan küdıktı üş azamattan qūralǧan ūiymdasqan qylmystyq top ūstaldy, dep habarlaidy QazAqparat.
«Bes ai ışınde Taldyqorǧanda jeke menşık üilerdegı ūrlyq derekterı tırkelıp otyrdy. Negızınen ūrylar plastik terezeler arqyly, kei jaǧdaida esıkterge kılt taŋdau arqyly üige kırgen. Tek baǧaly zattardy - altyn, aqşa, teledidar, noutbuk, telefon jäne basqa da mülıkterdı qoldy qylǧan», - deidı Taldyqorǧan QPB Batys polisiia bölımı bastyǧynyŋ orynbasary, polisiia maiory Azamat Mastekbaev.
Poliseilerdıŋ nazaryn qonaqüilerdıŋ bırınde bölme jaldap tūryp jatqan jas jıgıtter audarǧan. Belgılengen baqylau köp ūzamai oŋ nätijesın berdı.
«Kezektı ūrlyq deregınen keiın auyldyq jerden kelgen 23, 26 jäne 27 jastaǧy küdıktıler ūstaldy. Tıntu kezınde olardan ūrlanǧan zattardyŋ bır bölıgı jäne ekı tasymaldy radiostansiia alyndy. Ūstalǧandar 13 ūrlyqty tolyq moiyndady, bıraq olardyŋ basqa özge de osyǧan ūqsas aşylmaǧan qylmystarǧa qatysy bar-joǧy tekserılude, tızım älı de keŋeie tüsuı mümkın»,-dep tolyqtyrdy maior Mastekbaev.
Sonymen qatar, ekı azamattyŋ ötken jyly osyǧan ūqsas qylmystary üşın bas bostandyǧynan aiyrylǧandyǧy anyqtaldy. Topty sottylyǧy ötelmegen eŋ jas qatysuşy basqarǧan. Onyŋ bastamasy boiynşa, ūstalǧandar portativtı radiobailanysty paidalanyp, rasiia arqyly qylmystyq top müşesı jürgızuşı üi ielerınıŋ jaqyndaǧanyn nemese basqa da qauıptı eskertıp habarlap otyrǧan.
Almaty oblystyq polisiia departamentı baspasöz qyzmetınıŋ mälımetınşe, küdıktıler qamaqqa alyndy. Sotqa deiıngı tergeu QR QK 188-babynyŋ 3-bölıgıne säikes jürgızıledı.
Sot şeşımıne deiın avtokölık aiǧaq zat retınde tärkılenıp, arnaiy tūraqqa qoiyldy.
Foto: aşyq derekközden
Ūqsas jaŋalyqtar
