Qazaqstannyŋ Ukrainadaǧy tötenşe jäne ökılettı Elşısı Ukraina prezidentı Vladimir Zelenskiige senım gramotalaryn tapsyrdy, dep habarlaidy “Adyrna” ūlttyq portaly SIM-ne sıltep.
Syrtqy ıster ministrlıgınıŋ mälımetınşe, saltanatty räsım IýNESKO-nyŋ Düniejüzılık mūralar tızımıne engen Kievtegı «Sofiia» ūlttyq qoryq-mūrajaiy aumaǧynda öttı.
Senım gramotalaryn tapsyru räsımı aiasynda ötken qysqaşa äŋgıme barysynda taraptar qazaq-ukrain dostyǧyn, ekı el arasyndaǧy yntymaqtastyqtyŋ qazırgı jai-küiı men damu bolaşaǧyn, sondai-aq türlı saladaǧy ıskerlık bailanystardy talqylady.
Prezidenttıŋ jarlyǧymen Tölejan Barlybaev 2024 jyldyŋ şıldesınde Qazaqstannyŋ Ukrainadaǧy elşısı qyzmetıne taǧaiyndalǧan bolatyn.
1970 jyly Temırtauda düniege kelgen diplomat Mäskeudegı Resei memlekettık gumanitarlyq universitetın tämamdaǧan. Būǧan deiın Qazaqstannyŋ Ukraina jäne Polşadaǧy elşılıkterınde türlı qyzmetter atqaryp, Slovakiiadaǧy elşı, sondai-aq Horvatiia, Bosniia jäne Gersegovina men Chernogoriiada qosalqy negızde elşı bolǧan.
Sonymen qatar, ol Qazaqstan Respublikasy Prezidentı Äkımşılıgınde de jūmys ıstegen.
Ūqsas jaŋalyqtar
