Almatynyń Ortalyq stadıonynyń basshysy "Astana" - "Chelsı" matchy aldynda trıbýnalardyń ýaqytyly tazalanbaýyna baılanysty qyzmetinen bosatyldy, dep habarlaıdy “Adyrna” ulttyq portaly.
Aqparatqa sáıkes, «Astana» men «Chelsı» fýtbol klýbtary arasyndaǵy oıyndy tamashalaýǵa barǵan jankúıerler qar basqan oryndaqtarǵa qatysty shaǵym aıtyp, narazylyq bildirgen.
«Almaty qalasy Ortalyq stadıonynyń batys sektoryndaǵy alty qatardaǵy oryndyqtardyń (ortalyq stadıondaǵy jalpy oryn sanynyń 2,7%) arasyndaǵy qardyń ýaqytyly tazalanbaýyna baılanysty týyndaǵan qolaısyzdyqtar úshin jankúıerlerden keshirim suraımyz. Aldaǵy ýaqytta mundaı oqıǵalardy boldyrmaý úshin tekserý júrgiziledi. Ortalyq stadıon nysanynyń meńgerýshisi Baýyrjan Jumajanov qyzmetinen bosatyldy», – delingen Almaty qalasynyń sport nysandary dırekııasynyń habarlamasynda.
