Qazaqstanda aldyŋǧy büiırlık terezelerdı qaraŋǧylauǧa (tonirovka) aqyly türde rūqsat beru ūsynyluy mümkın, dep habarlaidy "Adyrna" ūlttyq portaly.
Osyndai bastama kötergen Mäjılıs deputattary Ūlttyq ekonomika ministrıne resmi saual joldady. Olardyŋ sözınşe, mūndai şeşım jyl saiyn biudjetke 50 milliard teŋgeden astam tabys äkeluı mümkın.
Mäjılıs deputattarynyŋ bastamasyna bailanysty ışkı ıster ministrlıgı pıkır bıldırıp, mäselenı talqylauǧa daiyn ekenın jetkızdı. Būl turaly IIM Äkımşılık polisiia komitetı töraǧasynyŋ orynbasary Aleksei Miliuk mälımdedı.
"Būl mäsele şynymen köterıldı. Qazır būl bastamany jalpy qoldau nemese qoldamau jönınde keŋ auqymdy talqylau ötedı, — dedı ol.
Būǧan deiın äkımşılık polisiia komitetı aldyŋǧy terezelerdı qaraŋǧylauǧa müldem qarsy ekenın aşyq mälımdegen bolatyn. Olardyŋ aituynşa, būl qauıpsızdıkke qatysty mäsele, sondyqtan tonirovkaǧa rūqsat beruge bolmaidy — tegın de, aqyly türde de.
Aita keteiık, Keden odaǧynyŋ tehnikalyq reglamentı aldyŋǧy büiır terezelerge jaryq ötkızgıştıgı kemınde 70% bolǧan jaǧdaida qaraŋǧylauǧa rūqsat beredı. Būl talap Qazaqstanda da tehnikalyq tūrǧydan qoldanuǧa mümkındık beredı.
Ūqsas jaŋalyqtar
