Prezident, Qauıpsızdık Keŋesınıŋ Töraǧasy Qasym-Jomart Toqaev derbes memlekettık organ retınde qūrylǧan Qauıpsızdık Keŋesı Apparatynyŋ alǧaşqy keŋesın ötkızdı. Būl turaly bügın, 23 qyrküiekte Aqordanyŋ baspasöz qyzmetı jazdy, dep habarlaidy «Adyrna» tılşısı.
Memleket basşysy Apparattyŋ jaŋa märtebesın memlekettık instituttardy reformalau üderısımen sabaqtastyra qarastyru qajet ekenın atap öttı.
«Älemdık ahual jedel qūbylyp jatqan kezeŋde Qauıpsızdık Keŋesı asa maŋyzdy mäseleler boiynşa naqty ärı jan-jaqty saralanǧan şeşımder qabyldaityn ortalyqqa ainaluy tiıs»,– delıngen habarlamada.
Qasym-Jomart Toqaev qazırgı syn-qaterlerdıŋ sipaty edäuır özgergenıne nazar audardy. Osy oraida kiberqauıpsızdıktı qamtamasyz etuge jäne jasandy intellektını qoldanuǧa basa män berıldı.
Qauıpsızdık Keŋesınıŋ Töraǧasy aldaǧy uaqytta özektılıgı arta tüsetın aqparat, tehnologiia, azyq-tülık, su jäne energetika qauıpsızdıgı mäselelerıne erekşe toqtaldy. Prezident atalǧan salalardaǧy basymdyqtardy belgılep, «Zaŋ men tärtıp» qaǧidatyn negızgı baǧdar retınde atady.
Keŋes qorytyndysy boiynşa Apparatqa bırqatar naqty mındet jükteldı. Atap aitqanda, Qazaqstannyŋ ūlttyq müddesın, egemendıgı men tūraqtylyǧyn qorǧau Qauıpsızdık Keŋesı jūmysynyŋ tiımdılıgın aiqyndaityn basty ölşem boluy tiıs.
Būǧan deiın qos palataly parlamentte mäjılıs töraǧasy bolǧan Erlan Qoşanovtyŋ Qazaqstan Halyq Keŋesınıŋ töraǧasy bolyp sailanǧanyn jazǧan edık.
