Almaty qalasy Nauryzbai audandyq sotynda 27 mamyr künı aqyn Mūqaǧali Maqataevty qorlaǧan bloger Älışer Temenov öz şyndyǧyn aityp, özıne jäne otbasyna qysym jasalǧanyn mälımdedı. Ol moraldyq ötemaqy somasyn 500 myŋ teŋgege deiın tömendetudı sūrady. Būl turaly Orda.kz jazdy, dep habarlaidy “Adyrna”.
Aqparatqa säikes, sot otyrysy bastalmai tūryp, bloger Orda.kz tılşısınıŋ zaldan şyǧuyn sūrady. Onyŋ aituynşa, aldyŋǧy jariialanǧan materialdardan keiın özıne qysym körsetılgen. Alaida sudia Beinegül Qaisina būl ıstıŋ aşyq ötıp jatqanyn jäne Mūqaǧali Maqataevtyŋ jai azamat emes ekenın aityp, ötınıştı qanaǧattandyrmady.
Aqynnyŋ ūly Jūldyz Maqataev būǧan deiıngı sot otyrysynda moraldyq şyǧyn retınde 10 million teŋge talap etken bolatyn. Al bügıngı otyrysta aiyptaluşy ötemaqyny 500 myŋ teŋgege deiın azaitudy sūrady.
Sudia jäbırlenuşı Jūldyz Maqataevtan jauap aldy.
«2024 jyldyŋ qazan aiynda Älışer Temenov TikTok paraqşasynda «Tuǧan künım» öleŋıne bailanysty beinejazba jariialap, menıŋ äkemdı – qazaq poeziiasynda öz orny bar, halqymyz qadır tūtatyn tūlǧany – bylapyt sözdermen balaǧattady. Ol jerde: «Ei, sen, b***, keşke deiın jylai beretın sorly erkeksıŋ» degen sözder aityldy», — dedı Jūldyz Maqataev.
Alaida atalǧan beinejazba blogerdıŋ paraqşasynan keiınırek joiyldy. Soǧan qaramastan, video bırqatar internet resurstarda jariialanyp ülgergen.
Sot otyrysynda Älışer Temenov öz kınäsın moiyndap, keşırım sūrady.
«Qatelıgımdı tolyq moiyndaimyn. Videony 2024 jylǧy 4 qazanda jariialadym. Ol bar bolǧany bes minut tūrdy. Bır jurnalist köşırıp, Facebook paraqşasyna jariialap jıberıptı. Sol sätte saldaryn tüsınıp, videony öşırdım. Bıraq keiın özıme, otbasym men auyldaǧy ata-anama qysym jasala bastady. Sol künı tünde Qarasazǧa jolǧa şyqtym. Jolai öz auylyma barsam, ata-anamnyŋ üiınıŋ aldynda bır top adam jinalyp tūr eken. Men olardyŋ talabymen paraqşamdy tolyqtai joiyp, muzei aldynda auyl tūrǧyndarynan keşırım sūradym», — dedı ol.
Jauap alu kezınde bloger poeziiany zertteitının jäne öleŋ oqitynyn aitty. Jäbırlenuşı taraptyŋ advokaty: «Mūqaǧalidy būrynnan bıletın be edıŋ?» dep sūraq qoidy, alaida Temenov naqty jauap bere almady. Sūraqqa naqty jauap bermegenı üşın sudia eskertu jasap, sözın bölmeuge jäne saualdarǧa naqty jauap beruge mındettedı.
Bloger sonymen bırge özınıŋ auyr materialdyq jaǧdaiyn aitty: bankte nesielerı bar ekenın, äielı ekınşı balasyna jüktı ekenın, bır jasar balasy baryn aityp, sūralǧan ötemaqyny 10 millionnan 500 myŋ teŋgege deiın tüsırudı sūrady.
Taraptar mämılege kele almaǧan soŋ, blogerdıŋ qorǧauşysy üzılıs sūrady. Bıraq 15 minuttyq üzılısten keiın de kelısımge kele almady. Sot otyrysy 16 mausymǧa şegerıldı.
Eske salaiyq, byltyr 8 qazanda Älışer Temenov äleumettık jelıdegı paraqşasynda Mūqaǧalidy «sorly erkek» dep balaǧattap, beinejazba jariialady. Osy äreketıne bailanysty Qylmystyq kodekstıŋ 131-baby 2-tarmaǧy («Qorlau») boiynşa ıs qozǧaldy.
