2019 jylǧy 7 qazanda saǧat 19.00-de Almaty oblysynyŋ Eskeldı audanynda, «Almaty-Öskemen» tas jolynyŋ 303 şaqyrymynda ornalasqan «Citic Construction» JŞS bazasynyŋ aumaǧynda jürgızuşı, 1998 jyly tuǧan Qazaqstan Respublikasynyŋ azamaty Qanat Jambyl soqqyǧa jyǧylǧan. QHR azamattary 1982 j.t. Liang Chjen, 1992 j.t. Cheng Penglin, 1995 j.t. Chang Hui Qanatty jabylyp ūrǧan. Būny estıgen bes qazaqtyŋ jıgıtı baryp qytailardy ūrǧan.
Osy oqiǧaǧa bailanysty Almaty oblysy äkımdıgınıŋ baspasöz qyzmetı tartty degen baspasöz mälımetı äleumettık jelını şarlap kettı. Onda Almaty oblysy äkımınıŋ orynbasary şūǧyl türde oqiǧa ornyna bardy. Äkımnıŋ orynbasary men bırınşı auysymdyq lager basşysy Van Peng jäne uchaske jūmysşylarymen kezdesu ötkızdı delıngen.
Kezdesu barysynda jūmysşylar - Qazaqstan Respublikasynyŋ azamattary eŋbek jaǧdailaryna qatysty bırqatar şaǧymdaryn aitty, mysaly:
- jūmys künınıŋ ūzaqtyǧy (tüskı üzılıspen 12 saǧattyq jūmys künı);
- tömen kaloriialy tamaqtanu (tüskı asqa olar ekınşı taǧamdy beredı, al tüngı auysym jūmysşylaryna tamaq berılmeidı);
- jergılıktı jäne şeteldık jūmysşylardyŋ jalaqylaryndaǧy aiyrmaşylyq;
- sanitarlyq talaptarǧa säikes kelmeitın jataqhanalardaǧy tūrǧyn üi jaǧdailary.
Şeteldık jūmysşylar sanynyŋ kvota şegınen asyp ketu faktısı de bar.
Jūmys beruşılerdıŋ mälımetınşe, qazırgı uaqytta 138 adam jūmys ısteidı, olardyŋ 94-ı - Qazaqstan Respublikasynyŋ azamattary, 44-ı - Qytai azamattary. Alaida, auysymdyq lager negızınde jürgızılgen reid kezınde oblystyq filialdyŋ qyzmetkerlerı 66 jūmyskerdı - QHR azamattary dep anyqtady, olardyŋ qazırgı uaqytta tölqūjat derekterı tekserılıp jatyr.
Sonymen qatar, jūmysşylardyŋ aituynşa, 7 qazandaǧy oqiǧadan būryn jūmysşylar arasynda ekı bırdei janjal bolǧan. Oǧan jūmys beruşıler nazar audarmaǧan. Jūmysşylar lagerdıŋ basşylyǧy jük kölıgı jürgızuşılerınen jūmysty tezdetudı talap etedı eken. (jol qozǧalysy erejelerın būzuǧa äkeletın inerttı materialdardy tasymaldau kezınde jyldamdyqty arttyru).
Joǧaryda aitylǧandardy eskere otyryp, sondai-aq Qytaiǧa qarsy pıkırlerdı boldyrmau üşın bırınşı auysymdyq lagerdıŋ basşysyn - Qytai Halyq Respublikasynyŋ azamaty Van Pandy auystyru, sondai-aq osy kompaniianyŋ barlyq qyzmetkerlerı üşın teŋ jäne tiıstı eŋbek jaǧdailaryn qamtamasyz etu mäselesı qarastyrylady.
Osyǧan orai, bügın «Citic Construction» JŞS direktorynyŋ qatysuymen joǧarydaǧy mäselelerdı talqylap, olardy şeşu üşın naqty şaralar qabyldau üşın jinalys ötkızıledı. Mäsele Qazaqstan Respublikasy Ükımetınıŋ baqylauynda.
Äzırge resmi mälımdeme jasalmady. Işkı Ister ministrlıgı men Almaty oblysy äkımdıgınen osy oqiǧa turaly resmi mälımdeme kütıp otyrmyz.
"Adyrna" ūlttyq portaly
