24 mamyrda Qazaqstan Prezidentı Qasym-Jomart Toqaev Erbolat Dosaevty Almaty qalasynyŋ äkımı qyzmetınen bosatu turaly Jarlyqqa qol qoidy, dep habarlaidy “Adyrna” ūlttyq portaly.
«Memleket basşysynyŋ Jarlyǧymen Dosaev Erbolat Asqarbekūly Almaty qalasynyŋ äkımı qyzmetınen bosatyldy», – delıngen Aqordanyŋ Telegram arnasynda jariialanǧan resmi habarlamada.
Erbolat Dosaev būl lauazymdy 2022 jylǧy 31 qaŋtardan berı atqaryp kelgen bolatyn.
Aita keteiık, osyǧan deiın, 23 mamyr künı Almaty qalasy mäslihatynyŋ VIII şaqyrylym deputattarynyŋ jinalysy ötetını habarlanǧan edı. Kün tärtıbınde – qala äkımı lauazymyna kelısım beru mäselesı tūrǧan.
Ol 1970 jylǧy 21 mamyrda Almaty qalasynda düniege kelgen.
Almaty energetikalyq institutyn, Bauman atyndaǧy Mäskeu Memlekettık tehnikalyq universitetın bıtırdı.
1997 jyly «Tūran Älem Bankı» JAQ Basqarma Töraǧasynyŋ orynbasary, «ATF Bank» JAQ Basqarma Töraǧasy qyzmetın, 1998 jyly Qazaqstan Respublikasy premer-ministrınıŋ keŋesşısı boldy.
1998 jyly Qazaqstan Respublikasynyŋ Energetika, industriia jäne sauda vise-ministrı, ekı jyldan soŋ Qazaqstan Respublikasynyŋ qarjy vise-ministrı, 2001 jyly Qazaqstannyŋ Damu bankı Direktorlar keŋesınıŋ Töraǧasy qyzmetın atqarǧan.
2001-2003 jj. – Qazaqstan Respublikasynyŋ Tabiǧi monopoliialar, bäsekelestıktı qorǧau jäne şaǧyn biznestı qoldau agenttıgınıŋ Töraǧasy, 2003-2004 jyldary Qazaqstan Respublikasynyŋ Qarjy ministrı; Qazaqstandaǧy Europalyq qaita qūru jäne damu bankınıŋ (EQDB) basqaruşysy; Qazaqstan Respublikasy Ūlttyq Bankınıŋ Basqarma müşesı boldy.
Al 2004-2006 jyldar aralyǧynda Qazaqstan Respublikasynyŋ densaulyq saqtau ministrı qyzmetınde boldy.
2004 jyly QR densaulyq saqtau ministrı qyzmetın atqarǧan tūsta Şymkent qalasynda 150 bala AİTV (VİCh) jūqtyrǧan oqiǧa oryn alǧan. Osy qaiǧyly jaǧdaidyŋ saldarynan ol otstavkaǧa ketken bolatyn.
2006-2012 jj. «Qazinvestbank» AQ Direktorlar keŋesınıŋ Töraǧasy, 2012 jylǧy 25 qyrküiekten bastap Qazaqstan Respublikasynyŋ ekonomikalyq damu jäne sauda ministrı bolyp taǧaiyndalǧan.
2013 jylǧy 16 qaŋtardan bastap Qazaqstan Respublikasynyŋ ekonomika jäne biudjettık josparlau ministrı bolsa, 2014 jylǧy 6 tamyzda Qazaqstan Respublikasy Prezidentınıŋ Jarlyǧymen (№ 880) Qazaqstan Respublikasynyŋ ūlttyq ekonomika ministrı bolyp taǧaiyndaldy.
Ūlttyq ekonomika ministrı lauazymynda jürgen kezınde Qazaqstandaǧy 1,7 million gektar auyl şaruaşylyǧy jerın auksion arqyly satuǧa mümkındık beretın zaŋ jobasyn ūsynǧan. Būl bastama el ışınde ülken narazylyq tuǧyzyp, halyqtyŋ “Jer satuǧa qarsy” şerulerımen aiaqtaldy. Nätijesınde Erbolat Dosaev būl qyzmetınen de öz erkımen kettı.
Būdan bölek, Dosaev qarjy salasyndaǧy yqpaldy tūlǧalardyŋ bırı retınde belgılı. Forbes Kazakhstan jurnalynyŋ derekterıne süiensek, ol 2013 jäne 2014 jyldary Qazaqstandaǧy eŋ bai 50 adamnyŋ qataryna engen. 2014 jyly onyŋ bailyǧy 110 million AQŞ dollaryna baǧalanǧan. Negızgı tabys közderı retınde mūnai, mūnai servistık qyzmetterı, qarjy jäne bailanys salalary ataldy.
2016 jylǧy mamyrdan bastap 2017 jylǧy tamyz aralyǧynda – «Bäiterek» ūlttyq basqaruşy holdingı» aksionerlık qoǧamynyŋ Basqarma Töraǧasy.
2017 jylǧy tamyzdan bastap 2019 jylǧy aqpan aralyǧynda Qazaqstan Respublikasy premer-ministrınıŋ orynbasary lauazymynda jūmys ıstedı.
2019 jylǧy 25 aqpanynan bastap 2022 jylǧy qaŋtar aralyǧynda – Qazaqstan Respublikasy Ūlttyq Bankınıŋ Töraǧasy boldy.
Sondai-aq, eks-äkım Erbolat Dosaev Almatydaǧy mäseleler boiynşa ekı apta saiyn Prezidentke esep beretını de aitylǧan. Osy jyldyŋ 29 nauryzynda Almatyǧa Özbekstan prezidentı Şavkat Mirzioiov saparlap, Qazaqstan prezidentı oǧan qalanyŋ körıktı oryndaryn körsetken. Sonyŋ saldarynan Almatyda köşeler jabylyp, köpşılık ädetten tys köbırek kölık keptelısınde tūryp, äleumettık jelıde şaǧynǧan jazbalar jariialady. Qala tūrǧyndary bırneşe ret jol jöndeu jūmystary men keptelıske, qala köşelerınıŋ tazalyǧy men jaryqtandyruǧa jiı şaǧymdanyp, Dosaevtyŋ otstavkasyn talap etken.
Ūqsas jaŋalyqtar
