Bokstan Qazaqstan äielder qūramasy Kolombo (Şri-Lanka) qalasynda ötıp jatqan jastar arasyndaǧy Aziia chempionatynyŋ finaldyq kezeŋınde 12 märte jeŋıske jettı. Būl turaly Ūlttyq olimpiadalyq komitet jazdy, dep habarlaidy «Adyrna» tılşısı.
Otandastarymyz chempionattyŋ barlyq salmaq därejesınde finalǧa şyqty.
«Qazaqstandyqtar är salmaq därejesınde jeŋıske jettı. Qūrlyqtyq turnirde bırınşı oryndardy Aiym Tankibaeva (48 kelıge deiın), Sila Bibolsynqyzy (50 kelıge deiın), Rahmina Abdumejitova (52 kelıge deiın), Janel İmantaeva (54 kelıge deiın), Aqnūr Tūrsynǧali (57 kelıge deiın), Tolǧanai Qasymhan (60 kelıge deiın), Alina Qūdaigenova (63 kelıge deiın), Aqbota Esımbekova (66 kelıge deiın), Mariia Sidorenko (70 kelıge deiın), Zarina Tolybai (75 kelıge deiın), Qūralai Egınbaiqyzy (81 kelıge deiın), Sabina Jaqsylyq (81 kelıden joǧary) ielendı»,—delıngen habarlamada.
