BUU Qaýipsizdik keńesi Birikken Arab Ámirlikteri (BAÁ) usynǵan Gaza sektoryna gýmanıtarlyq kómek jetkizýde keńeıtilgen kómekti talap etetin qarar jobasyn qabyldady, dep habarlaıdy «Adyrna» ulttyq portaly RBK-ǵa silteme jasap.
Rezolıýııaǵa 13 el daýys berdi, Reseı men AQSh daýys berýden qalys qaldy.
Rezolıýııada «qaýipsiz, kedergisiz jáne keńeıtilgen gýmanıtarlyq qoljetimdilikti dereý qamtamasyz etý, sondaı-aq soǵys qımyldaryn turaqty toqtatýǵa jaǵdaı jasaý úshin shuǵyl sharalar» talap etilgen.
Qujatqa sáıkes, Qaýipsizdik Keńesi BUU Bas hatshysynan Gaza turǵyndaryna gýmanıtarlyq kómek jetkizýdi jedeldetý úshin gýmanıtarlyq máseleler jáne qalpyna keltirý jónindegi aǵa úılestirýshi taǵaıyndaýdy, janjal taraptary bolyp tabylmaıtyn memleketter arqyly óńirge osyndaı júkterdi jetkizýdi jedeldetý úshin BUU mehanızmin qurýdy suraıdy.
Daýys berý aldynda Reseı aýyzsha túzetý usyndy: ol Gaza sektorynda «gýmanıtarlyq kómekke qaýipsiz jáne kedergisiz qol jetkizýge múmkindik berý jáne soǵys qımyldaryn turaqty toqtatý jolynda shuǵyl qadamdar jasaý úshin» atysty toqtatýǵa shaqyrdy.
AQSh bul túzetýge tosqaýyl qoıdy. Qaýipsizdik Keńesiniń turaqty músheleriniń kem degende bireýi oǵan qarsy daýys berse, túzetý qabyldanbaıdy.
Buǵan deıin Izraıl qorǵanys mınıstri HAMASpen soǵys birneshe aıǵa sozylatynyn aıtqan bolatyn.
«Adyrna» ulttyq portaly
