Kerbūlaq audany tūsyndaǧy Köksu özenınen temır arqan arqyly ötpek bolǧan er adamnyŋ mäiıtı tabyldy. Qūtqaruşylar 36 jastaǧy er adamdy oqiǧa ornynan 15 şaqyrym tömen jerden tapqan, dep habarlaidy “Adyrna”.
«15 mamyrda Jetısu oblysy aumaǧynda jürgızılgen ızdestıru jūmystary kezınde özen tübınen ız-tüssız joǧalǧan er adamnyŋ mäiıtı tabyldy. Denesınde zorlyq-zombylyq belgılerı joq», – dep habarlady oblystyq polisiia departamentınıŋ baspasöz qyzmetı.
Atalǧan faktı boiynşa sotqa deiıngı tergeu amaldary jürgızılude.
«Polisiia azamattardy su aidyndarynyŋ maŋynda saqtyq şaralaryn saqtap, erekşe mūqiiat boluǧa şaqyrady. Izdestıru jūmystaryna belsendı qatysqany jäne kömekteskenı üşın TJD, Ūlttyq ūlan qyzmetkerlerıne, jergılıktı atqaruşy organdardyŋ ökılderıne, tūrǧyndar men erıktılerge alǧys bıldıremız», – dep qorytyndylady oblystyq PD.
Izdeu jūmystaryna 98 adam men 22 tehnika jūmyldyrylǧan.
Eske salaiyq, 12 mamyr künı Jetısu oblysynda er adam özennen arqan arqyly ötpek bolǧanda, qatty aǧys ony aǧyzyp äketken bolatyn.
