Pavlodar qalasynda aǧaiyndy ekı jıgıttıŋ arasynda oryn alǧan janjal qaiǧyly jaǧdaimen aiaqtaldy, dep habarlaidy "Adyrna" ūlttyq portaly.
Būl turaly Pavlodar oblysy qylmystyq ıster jönındegı mamandandyrylǧan audanaralyq sotynyŋ baspasöz qyzmetı habarlady.
Sot materialdaryna säikes, 2023 jyldyŋ 22 jeltoqsanynda qaladaǧy tūrǧyn üilerdıŋ bırınde aǧasy ınısıne jūmyssyz jürgenı üşın sögıs aityp, balaǧat sözder qoldanǧan. Sol sätte alkogoldık mas küide bolǧan kışı ınısı as üi pyşaǧyn alyp, aǧasynyŋ sol jaq keude tūsyna bır ret pyşaq sūǧyp alǧan. Soqqy jürek tūsyn zaqymdap, jäbırlenuşı oqiǧa ornynda köz jūmǧan.
Aiyptaluşy sotta öz kınäsın tolyq moiyndap, jasaǧan äreketıne ökınetının jetkızdı. Sonymen qatar onyŋ būryn sotty bolmaǧany da eskerıldı.
Nätijesınde sot Qylmystyq kodekstıŋ 99-baby 1-bölıgı ("Adam öltıru") boiynşa aiypty dep tanyp, oǧan 8 jyl merzımge bas bostandyǧynan aiyru jazasyn taǧaiyndady.
