Mäjılıs «Jasandy intellekt turaly» zaŋ jobasyn maqūldady

Mäjılıs deputattary bırınşı oqylymda «Jasandy intellekt turaly» zaŋ jobasyn jäne oǧan ılespe zaŋdarǧa engızıletın özgerısterdı maqūldady, dep habarlaidy "Adyrna" ūlttyq portaly.  Bırınşı qūjat – «Jasandy intellekt turaly» zaŋ. Ol jetı tarau men 28 baptan tūrady. Zaŋnyŋ maqsaty – jasandy intellektpen (Jİ) jūmys ısteuge arnalǧan bıryŋǧai qūqyqtyq negız qalyptastyru. Negızgı erejelerge mynalar kıredı: Jİ-dı qoldanudy qūqyqtyq jäne ūiymdastyruşylyq tūrǧydan retteu; Aiqyndyq pen qauıpsızdıktı qamtamasyz etu; Memlekettık organdar men kvazimemlekettık sektorda Jİ qoldanuǧa arnalǧan normalar; Jİ ortasynyŋ barlyq qatysuşylarynyŋ qūqyqtary men mındetterın naqtylau; Ükımetke osy saladaǧy memlekettık saiasatty qalyptastyru boiynşa ökılettıkterdı keŋeitu. Ekınşı qūjat – ılespe zaŋdarǧa engızıletın özgerıster, olar mynadai salalarǧa qatysty: Jİ önımderın qoldanu kezınde tūtynuşylardyŋ qūqyqtaryn qorǧau; Jeke derekterdıŋ qorǧaluy; Jİ ūlttyq platformasynyŋ jūmys ısteuıne qajettı elektrondyq resurstarǧa qol jetkızu; Jİ arqyly jasalǧan mediakontent arqyly manipuliasiia men feik aqparat taratuǧa jol bermeu. Atalǧan zaŋ jobasyna 12 tüzetu engızılıp, ministrlıkterdıŋ, qoǧam belsendılerınıŋ jäne sarapşylardyŋ qatysuymen talqylaudan öttı. «Bırınşıden, būl zaŋ jobasy jasandy intellekt tehnologiiasyn paidalanu kezınde azamattardyŋ qauıpsızdıgın qamtamasyz etuge baǧyttalǧan. Mūnda qoldanuşylardyŋ qūqyqtary men bostandyqtary, sondai-aq olardyŋ jeke derekterı söz bolady. Sonymen qatar, jaŋa tehnologiiany qoldanu barysynda barlyq prosesterdıŋ aiqyn ärı qauıpsız boluy asa maŋyzdy. Ekınşıden, zaŋ jobasy osy saladaǧy äzırleuşıler men investorlar üşın tüsınıktı ärı aşyq “oiyn erejelerın” jasaidy. Būl qūqyqtyq aiqyndyqty qamtamasyz etıp, Jİ tehnologiialaryna degen senımdı arttyrady jäne investisiia tartuǧa yqpal etedı» - dedı deputat Ekaterina Smyşliaeva Zaŋ jobasy ekonomika salalaryna Jİ engızu mäselesınde memlekettıŋ rölın aiqyndaidy. Sondai-aq ol jasandy intellekt salasyndaǧy qoǧamdyq qatynastardy retteu qaǧidattaryn belgıleidı. Joba Jİ qoldanudyŋ negızgı etikalyq qaǧidalaryn bekıtıp, avtorlyq qūqyqty qorǧau täsılderın anyqtaidy.