Auǧanstan bilıgınde otyrǧan «Taliban»qozǧalysynyŋ Qaiyrly ısterdı nasihattau jäne būzyqtyqtyŋ aldyn alu ministrlıgı şahmat oiynyn «haram» (islam şariǧatynyŋ öz tüsındırmesıne sai tyiym salynǧan) dep jariialap, būl sport türınıŋ federasiiasyn taratqanyn habarlady. Būl turaly Khaama.com saity jazdy, dep habarlaidy “Adyrna”.
Auǧanstannyŋ Sport ministrlıgınıŋ ökılderı şahmat sportynyŋ toqtatylǧanyn rastady. Olar şahmatqa tyiym islam şariǧatyna säikes keluı anyqtalǧanǧa deiın jalǧasatynyn aitty.
Basylymnyŋ mälımetınşe, resmi tyiym salynbas būryn bırneşe şahmatşy men äuesqoilar Sport ministrlıgıne ıs-şaralar ūiymdastyruǧa jäne qarjylai qoldauǧa rūqsat sūrap jügıngen. Alaida būl ötınış kerısınşe olardyŋ jaǧdaiyn qiyndatyp jıbergen.
Reseilık «Sport-Ekspress» basylymynyŋ jazuynşa, Auǧanstandaǧy şahmatqa qatysty jaǧdai tälıpter turaly kezektı «qorqynyşty äŋgımege» ainalyp ketuı mümkın. Iаǧni şahmatqa tyiym ūiymdyq mäselelermen bailanysty boluy yqtimal. Federasiianyŋ būrynǧy basşysy Batysqa ketken soŋ, jaŋadan taǧaiyndalǧan jetekşı Obaidulla Kuraişi (ol 2022 jylǧy Bükılälemdık olimpiadaǧa qūramany aparǧan) «Talibannyŋ» sport departamentımen bailanys ornata almaǧan. Būl jaǧdai basqarudaǧy daǧdarysqa äkelıp soqqan. Sondyqtan qazırgı şekteuler dıni emes, kadrlyq sebeptermen bailanysty boluy mümkın. Degenmen maqala avtory islamdaǧy şahmatqa qatysty belgılı bır qiyndyqtardyŋ bar ekenın de joqqa şyǧarmaidy.
Sol uaqytta basylym Auǧanstannan tys ömır sürıp jatqan (köbıne Özbekstan men İranda) tanymal şahmatşylardyŋ soŋǧy üş jylda talibandar bilıkke kelgennen keiın şahmat sportyn damytu mümkın bolmai qalǧanyna jiı şaǧymdanǧanyn atap ötedı. Federasiia bilıktıŋ qoldauyn körmegen, jergılıktı turnirler ötkızuge qarajat tabu qiyn bolǧan jäne basqaru jüiesınde de problemalar tuyndaǧan. Alaida basylymnyŋ mälımetıne süiensek, şahmatşylardyŋ pūtqa tabynuşylyq nemese dıni dästürlerdı būzǧany üşın quǧynǧa ūşyraǧany turaly naqty derekter joq. Sonymen qatar, Auǧanstannan qaşqan keibır şahmatşylar «bosqyn» märtebesı men järdemaqy alu üşın jaǧdaidy asyra aityp jürgen boluy mümkın ekenı de aitylady.
Būǧan deiın tälıpter elde aralas jekpe-jek (MMA) pen keibır kibersport türlerıne, sonyŋ ışınde PUBG oiynyna tyiym salǧan bolatyn.
Aita keteiık, «Taliban» — BŪŪ Qauıpsızdık keŋesınıŋ şeşımımen terroristık ūiym retınde tanylǧan qozǧalys.
