Dohada Qatar Masters Open turnirınıŋ ekınşı ainalymynda älem chempiony, dünie jüzındegı üşınşı şahmatşy sanalatyn norvegiialyq Magnus Karlsendı sensasiialyq türde jeŋgen 23 jastaǧy Älışer Süleimenov şahmatqa qalai keldı, būl saladaǧy alǧaşqy qadamy qandai boldy? Adyrna tılşısı sūhbattasyp kördı.
- «Älem chempionyn» jeŋgen sättegı alǧaşqy äserıŋızben bölısseŋız?
- Şynymdy aitsam oiynnyŋ soŋǧy minuttarynda deiın, tıptı menıŋ jeŋgenımdı habarlaǧanǧa deiın sene almadym. Qatty qobaljydym öitkenı men üzdık şahmatşymen baq synastym. Jurnalister sūhbat beruımdı sūrady, bıraq men özıme kele almai uaqyt beruın sūradym.
- Şahmatqa qalai keldıŋız, neşe jastan bastap jarystarǧa qatystyŋyz?
- Men şahmatqa 9 jasymda keldım. Degenmen būl şahmat üşın tym keş sanalady. Ädette 6 jas eŋ oŋtaily uaqyt. Men Qazaqstandyq, halyqaralyq turnirlerge tez şyǧyp kettım. İä keş bastaǧanyma qaramai 1 jylda jaqsy nätijege qol jetkızdım.
- Otbasyŋyz turaly aita otyrsaŋyz. Bauyrlaryŋyz bolsa, olar da sportqa jaqyn ba?
- Men otbasyda jalǧyz ūlmyn. Bıraq tuys aǧa, bauyrlarym öte köp. Äkem şahmatpen ainalyspaǧan, alaida kışkentai kezımnen osy sport türıne baulydy. Iаǧni qanymyzda käsıpqoi şahmatşylar joq. Onyŋ üstıne men şahmatqa kezdeisoq keldım. Dosym şaqyrǧan jäne būl maǧan qatty ūnady.
- Memleketten qandai da bır qoldau retınde tölem tölene me?
- Memleketten qoldau bar. Men Qazaqstan erler qūramasynyŋ müşesımın. Qazaqstanda reiting boiynşa ekınşı şahmatşymyn. Sonymen qatar Qazaqstan şahmat federasiiasy da qoldau körsetedı. Būl maǧan jaqsy kömektesedı, ary qarai jyljuyma öz septıgın tigızude.
- Aldaǧy uaqytta qandai josparlaryŋyz bar? Şäkırt tärbieleu oida bar ma?
- Şäkırt tärbieleu oiymda joq (küldı) bıraq aldyǧa uaqytta şahmat mektebın aşqym keledı. Ärine aldymen men özımnıŋ deŋgeiımdı ösırıp, belesterdı baǧyndyruym üşın toqtamai jūmys jasauym kerek.
- Aşyq ärı şynaiy jauap bergenıŋız üşın rahmet! Alar asularyŋyz köp bolsyn!
Saltanat Erbolat
El tarihyndaǧy alǧaşqy medal. Ruslan Kurbanov semserlesuden älem chempionatynda qola jüldeger atandy
