Kelesı oqu jylynan bastap Aqtöbedegı Qazaq-orys universitetı öz jūmysyn toqtatuy mümkın, dep habarlaidy “Adyrna” ūlttyq portaly Tengrinews.kz-ke sılteme jasap.
Būl turaly universitet studentterıne aldyn ala eskertu jasalǧan.
Alaida QR ǧylym jäne joǧary bılım ministrlıgı qazırgı oqu jylynyŋ aiaqtalatynyn, studentter jyl soŋyna deiın oqudy jalǧastyra alatynyn mälımdedı.
Dau säuır aiynda bastalǧan. Ondaǧan studenttıŋ sabaqtan qaluyna bailanysty jappai oqudan şyǧarylǧany jönınde aqparat taraǧan. Ministrlık arnaiy komissiia qūryp, tekserıstı bastady.
Tekseru nätijesınde studentterdı oqudan şyǧarmauǧa şeşım qabyldanyp, olarǧa oqu jylyn aiaqtauǧa mümkındık berıldı. Alaida universitettıŋ bolaşaǧy belgısız küide qalyp otyr.
Ministrlıktıŋ aldyn ala deregınşe, oqu ornynyŋ qūryltaişysy universitettıŋ qyzmetın toqtatu turaly şeşım qabyldaǧan. Şyn mänınde, būl şeşım turaly ötınıştı oqu jylynyŋ basynda-aq tapsyrǧan, alaida keiın oqu prosesı jalǧasqan. Qazırgı taŋda universitet basşylyǧy resmi pıkır bıldıruden bas tartyp otyr.
“Ata-analar men studentterdıŋ nazaryna! Basqa JOO-larǧa auysu – naqty bekıtılgen erejeler boiynşa jürgızıledı. Auysuǧa rūqsat berıletın şarttar men räsımder arnaiy jūmys toby arqyly qarastyrylady. Būl top Aktöbe qalasynda sessiia men oqu jyly aiaqtalǧan soŋ jūmys ısteidı”, – dep habarlady ministrlık.
Ūqsas jaŋalyqtar
