Atyrau oblysyndaǧy Jylyoi uchaskesınde mūnai men gazdy bırlesıp barlau jobasy boiynşa «QazMūnaiGaz» ūlttyq kompaniiasy men Qytaidyŋ jetekşı energetikalyq korporasiiasy — China National Offshore Oil Corporation International Limited (CNOOC) tarihi kelısımge qol qoidy, dep habarlaidy "Adyrna" ūlttyq portaly.
Būl kelısımder Astanada ötken joǧary deŋgeilı kezdesude räsımdelıp, qarjylandyru jäne bırlesken qyzmet turaly ekı negızgı qūjatqa qol qoiyldy.
Joba Kaspii teŋızınıŋ soltüstık-şyǧys bölıgınde, mūnai men gazǧa bai dep esepteletın tranzittık aimaqta ornalasqan Jylyoi uchaskesınde jüzege asyrylady. Kölemı şamamen 960 şarşy şaqyrym bolatyn būl aumaq bügınde Qazaqstandaǧy asa äleuettı geologiialyq nysandardyŋ bırı sanalady.
Joba «50/50» qaǧidatyna negızdelgenımen, barlyq barlau şyǧyndaryn qytailyq tarap öz moinyna alady.
Josparǧa säikes, aldymen seismobarlau jürgızıledı. Keiın tereŋdıgı 2 şaqyrym bolatyn bır barlau ūŋǧymasy būrǧylanady. Al kelesı kezeŋde 4,5 şaqyrymǧa deiın jetetın tūzasty qabatyna būrǧy salynbaq.
Aita keteiık, Jylyoidaǧy bırlesken käsıporyn 2023 jyldyŋ qazan aiynda qūrylǧan. Joba şarttaryn bekıtu jolyndaǧy kelıssözder Qazaqstanda ǧana emes, Qytaida da ötken.
Ūqsas jaŋalyqtar
