Äleumettık jelılerde ekı er adamnyŋ lift ışınde qūşaqtasyp, süiısıp jatqan sätı tüsırılgen video tarady, dep habarlaidy "Adyrna" ūlttyq portaly.
Jelı qoldanuşylarynyŋ qyzu talqysyna tüsken būl beinejazbada er adamdardyŋ bırı beinebaqylau kamerasyn jūlyp alyp, lift esıkterın zaqymdaǧany körınıs tapqan.
Video jelıde taraǧannan keiın polisiia dereu äreket etıp, tärtıp būzuşylardyŋ jeke basyn anyqtady. Astana qalalyq polisiia departamentınıŋ mälımetınşe, er adamdar spirttık ışımdık ışıp, mas küide qoǧamdyq tärtıptı būzǧan.
"Qūqyqbūzuşylar anyqtaldy. Olar spirttık ışımdık ışıp, qoǧamdyq orynda tärtıpsızdıkke barǧan. Lift ışınde süiısıp, kamerany jūlyp, mülıktı zaqymdaǧan", – delıngen polisiianyŋ resmi habarlamasynda.
Qūqyq qorǧau organdary tarapynan olarǧa qatysty ekı bırdei bap boiynşa – "ūsaq būzaqylyq" jäne "mülıktı qasaqana büldıru" – äkımşılık ıs qozǧaldy. Sot şeşımımen er adamdardyŋ bırıne aiyppūl salynsa, ekınşısı 20 täulıkke äkımşılık qamauǧa alyndy.
Ūqsas jaŋalyqtar
