AQŞ bilıgı Özbekstan, Qazaqstan jäne Qyrǧyzstannan kelgen 131 migrantty elden deportasiialady, dep habarlaidy "Adyrna" ūlttyq portaly Fox News-ke sılteme jasap.
Niu-Iorkten ūşqan arnaiy reis 30 säuır künı Taşkentke qondy.
Migranttar AQŞ-ta zaŋsyz tūryp, vizalyq rejimdı būzǧan. Olar elde bolu merzımı ötıp ketkennen keiın anyqtalǧan. Deportasiialanǧandar arasynda bırneşe qazaqstandyq azamat bar. Qazaqstan men Qyrǧyzstan azamattary Özbekstannan öz elderıne ärı qarai jol tartatyn bolady.
Özbekstan syrtqy ıster ministrlıgı öz azamattaryn qaitaru şyǧyndaryn tolyqtai öz moinyna alǧanyn mälımdedı. Būl qadam AQŞ pen Özbekstan arasyndaǧy alǧaşqy osyndai auqymdy kelısım bolyp otyr.
AQŞ ışkı qauıpsızdık ministrlıgı būl deportasiiany "tarihi operasiia" dep atady. Vedomstvo mälımdemesınde būl äreket Tramp äkımşılıgınıŋ şeteldık serıktestermen zaŋsyz immigranttardy elderıne qaitaru boiynşa jürgızıp jatqan tabysty diplomatiialyq jūmys ülgısı ekenı aitylǧan.
Aita keteiık, Qazaqstannyŋ AQŞ-taǧy elşılıgı būǧan deiın zaŋsyz jürgen qazaqstandyqtardy öz erkımen elge oraluǧa şaqyryp, olarǧa jeŋıldıkter qarastyrylatynyn habarlaǧan bolatyn.
Būǧan qosa, biyl aqpanda AQŞ-ta köşı-qon zaŋyn būzdy degen küdıkpen bırneşe qazaqstandyq ūstalǧan. Kosta-Rika Tramp äkımşılıgı tūsynda deportasiialanǧan alǧaşqy 200 migrantty qabyldaǧan, olardyŋ arasynda üş qazaqstandyq bolǧan.
Ūqsas jaŋalyqtar
