Bırqatar şeteldık BAQ-ta Astana Reseimen şekarada aumaqtyq qorǧanys brigadalarynyŋ ırı tobyn ornalastyratyny, Qazaqstan Reseimen janjal tuyndaǧan jaǧdaida daiyndyq şaralaryn qabyldap jatqany turaly aqparat tarady. Alaida, ol jalǧan aqparat bolyp şyqty. Būl turaly Stopfake.kz saity jariialady, dep habarlaidy “Adyrna” ūlttyq portaly.
Qazaqstan Respublikasy Qorǧanys ministrlıgınıŋ baspasöz qyzmetı būl aqparatqa qatysty tüsınıkteme berdı.
«Bırqatar şeteldık BAQ-ta «Aumaqtyq qorǧanys turaly» Qazaqstan Respublikasy Zaŋynyŋ jobasyna qatysty jariialanymdarǧa bailanysty Qazaqstan Respublikasy Qorǧanys ministrlıgı faktılerdıŋ būrmalanuy men jön-josyqsyz tüsındırulerdı boldyrmau üşın resmi tüsınıkteme berudı qajet dep sanaidy.
Būl zaŋ jobasy tek eldıŋ ışkı qauıpsızdıgın nyǧaituǧa baǧyttalǧan jäne Reseige qarsy baǧytty qamtymaidy.
«Aumaqtyq qorǧanys turaly» zaŋ jobasy Qazaqstannyŋ Ūlttyq qauıpsızdık jüiesın jaŋǧyrtu şeŋberınde äzırlendı. Onyŋ maqsaty – ışkı tūraqtylyqty qamtamasyz etu, halyqty, infraqūrylym nysandaryn jäne äskeri nemese özge de tötenşe jaǧdailar kezınde aumaqtyq tūtastyqty qorǧau. Aumaqtyq qorǧanys brigadalaryn ornalastyru syrtqy qauıpterge jauap retınde emes, öŋırlerdıŋ logistikalyq, geografiialyq jäne demografiialyq erekşelıkterın eskere otyryp jüzege asyrylady», – delıngen QR Qorǧanys ministrlıgınıŋ baspasöz qyzmetınıŋ habarlamasynda.
Sonymen qatar, vedomstvonyŋ habarlauynşa, şetel azamattary men azamattyǧy joq adamdardyŋ aumaqtyq qorǧanys bölımşelerıne qatysuy közdelmegen. Zaŋnyŋ qabyldanuy kez kelgen elge qarsy emes jäne belgılı bır baǧyttaǧy qauıptıŋ körınısı retınde qabyldanbauy kerek.
«Resei – ŪQŞŪ, TMD, ŞYŪ jäne Euraziialyq ekonomikalyq odaq şeŋberınde tatu körşılık jäne odaqtastyq qatynastardy qoldaityn Qazaqstannyŋ strategiialyq serıktesı.
Osylaişa, Qazaqstan Respublikasynyŋ «Aumaqtyq qorǧanys turaly» zaŋ jobasynyŋ Reseige qarsy baǧyttylyǧy turaly mälımdeme şyndyqqa janaspaidy, ärı bolyp jatqan prosesterdıŋ mänın būrmalaidy.
Azamattar men BAQ-tan BAQ-ta jäne äleumettık jelılerde paida bolatyn türlı qauesetterge nazar audarmai, tek resmi aqparat közderıne senuın sūraimyz», – dep habarlady QR Qorǧanys ministrlıgı.
