AQSh koronavırýs zerthanadan tarady degen joramalyn qaıta kóterip, Qytaıdy dálelsiz aıyptaý arqyly COVID-19-dyń taralýyn saıası quralǵa aınaldyrýyn jalǵastyryp otyr, dep habarlaıdy "Adyrna" ulttyq portaly.
Bul týraly Qytaıdyń Syrtqy ister mınıstrliginiń resmı ókili málimdedi.
Ótken demalys kúnderi Aq úı COVID-19 indetiniń shyǵý tegi týraly aqparat berýge arnalǵan jańa veb-saıtty tanystyrdy. Onda indettiń Qytaıdaǵy zerthanadan taraǵany aıtylǵan.
Seısenbi kúni ótken baspasóz máslıhatynda Qytaı SIM ókili Go zıakýn vırýstyń shyǵý tegin zertteý – mańyzdy ǵylymı másele ekenin aıtty. Ol Qytaı bul baǵyttaǵy jahandyq ǵylymı zertteýlerge belsendi túrde qatysyp, árqashan ǵylymı jáne ashyqtyq prınıpin ustanatynyn atap ótti.
Go zıakýn AQSh-ty bul máseleni saıasılandyrýdy, ony qural men qarý retinde qoldanýdy doǵarýǵa, basqa elderdi orynsyz aıyptaýdy toqtatýǵa jáne pandemııaǵa baılanysty ózine qatysty týyndaǵan kúmánderge únsiz qalmaýǵa shaqyrdy.
«AQSh halyqaralyq qaýymdastyqtyń ádiletti alańdaýshylyǵyna jaýap berip, álem halyqtaryna naqty túsinikteme berýi tıis», – dedi Go zıakýn.
Ol pandemııa bastalǵaly álemniń túrli elderinde vırýstyń shyǵý tegi týraly túrli boljamdar aıtylǵanyn, olardyń qatarynda AQSh-tyń da bar ekenin eske saldy. Bul elde bir kezderi veıp aýrýynyń taralýy jáne Fort-Detrık bıozerthanasyna qatysty jaǵdaı erekshe nazar aýdartqan.
«Halyqaralyq qaýymdastyq AQSh-tan naqty jáne ashyq túsinikteme alý kerek», – dedi Qytaı SIM resmı ókili.
