Tver qalasynda ótken Qazaqstan men Reseıdiń parlamenttik komıssııasynyń 23-otyrysynda «Roskosmos» bas dırektory Dmıtrıı Bakanov Qazaqstan tarapymen birlese otyryp, Gagarın starty alańynda mýzeı keshenin qurý jáne ony IýNESKO-nyń Búkilálemdik muralar tizimine engizý bastamasy júzege asyrylatynyn aıtty, dep habarlaıdy "Adyrna" ulttyq portaly.
Aıta keteıik, Gagarın starty – ǵarysh tarıhyndaǵy eń mańyzdy oryndardyń biri. Dál osy alańnan alǵash ret Jerdiń jasandy serigi ushyrylǵan jáne adamzat tarıhyndaǵy tuńǵysh ǵaryshker Iýrıı Gagarın ǵaryshqa attanǵan.
Bakanovtyń aıtýynsha, bul bastama tek tarıhı mańyzy bar jobany saqtaý úshin ǵana emes, sonymen birge ǵaryshtyq týrızmdi damytý maqsatynda qolǵa alynǵan. Buǵan dálel – sáýir aıynda «Soıýz MS-27» kemesiniń ushyrylymy kezinde Baıqońyrǵa shamamen 3000 týrıst kelgen. Olar arnaıy týr aıasynda Gagarın startyna, ıaǵnı adam balasy alǵash ǵaryshqa attanǵan tarıhı alańǵa baryp qaıtty.
Qazirgi tańda Baıqońyrda Reseıdiń «Roskosmos» korporaııasyna qarasty 22 fılıal men ókildik jumys istep tur. Bul ǵarysh aılaǵy — Reseıdiń pılotty baǵdarlamalary oryndalatyn jalǵyz alańy.
Sonymen qatar taraptar Baıqońyrdaǵy ınfraqurylymdy jańartý, ınvestıııalyq tartymdylyǵyn arttyrý, jastardy ǵarysh salasyna tartý jáne kosmonavtıkany tanymal etý maqsatynda týrızmdi damytý baǵytynda birlesip jumys isteıtinderin málimdedi.
Eske sala keteıik, buǵan deıin Gagarın start alańynyń ornynan kóne órkenıet oshaǵy tabylǵany týraly jazǵan edik.
