Ulttyq kitap kúni – bul rýhanı baılyqqa bas ıetin, ádebıettiń qudiretin dáripteıtin erekshe kún. Memlekettik qýyrshaq teatry bul merekeni kitap pen teatr arasyndaǵy altyn kópirdi jalǵaý arqyly atap ótýdi jón kórdi.
23 sáýir – Ulttyq kitap kúnine oraı, Almaty Memlekettik qýyrshaq teatry kórermenderge erekshe syı jasamaq. Álemge áıgili nemis jazýshysy Otfrıd Proıslerdiń balalar ádebıetindegi jaýhary sanalatyn «Kishkentaı sıqyrshy» povesiniń jelisimen sahnalanǵan «Orman ǵajaıyptary» atty jańa qoıylymnyń premerasyn usynbaq. Balalar ádebıetiniń altyn qorynan oryn alǵan bul shyǵarma – jaqsylyq pen zulymdyq, batyldyq pen meıirim, adaldyq pen izgilik taqyryptaryn qozǵaıtyn oıly týyndy. . Ertegi keıipkerleriniń sahnaǵa shyǵýy – kitapqa degen súıispenshilikti jańa deńgeıge kóterýdiń jarqyn úlgisi.
Spektakldiń rejısseri — elimizdegi qýyrshaq teatr rejıssýrasynyń damýyna súbeli úles qosyp júrgen, erekshe darynymen tanylǵan talantty óner ıesi Anton Zaıev. Onyń shyǵarmashylyq jetekshiligimen Almaty Memlekettik qýyrshaq teatrynyń repertýary «Ana júregi», «Abaı. Men bir jumbaq adammyn...», «Úıshik», «Baýyrsaq», t.b. jańa tynys alyp, zamanaýı rejısserlik sheshimder men tyń shyǵarmashylyq baǵyttar arqyly jańasha túrlenip, ózgeshe lepke ıe boldy.
Qoıylymnyń sahnalyq kórkemdeýin jasaǵan – Aqtóbe oblystyq qýyrshaq teatrynyń dırektory, Qazaqstannyń Mádenıet qaıratkeri, halyqaralyq jáne respýblıkalyq qýyrshaq teatr festıvalderiniń birneshe márte «Úzdik sýretshi» nomınaııasy boıynsha jeńimpazy Ásııa Qurmanalına. Onyń beınelik sheshimderi men sahnalyq keńistikti tanı biletin kásibı talǵamy spektakldiń estetıkalyq deńgeıin aıryqsha bıikke kóteredi. Spektakldiń mýzykalyq álemin kompozıııalyq úılesimmen árlegen – Andreı Dolgorýkov, al sahnalyq qozǵalys pen plastıkalyq kórinisterdi horeografııalyq tásilder arqyly mazmundy etken – Arstan Týıjanov.
Aıta keterligi, jańa qoıylymda 15-ten asa túrli qýyrshaq túri sahna tórinen oryn alady! Kórermen qaýym planshetti, trosty, parketti, boıly syndy san alýan qýyrshaq túrleriniń sıqyrly álemine enip, árbir keıipkerdiń bolmysy men minezine tereń úńilýge múmkindik alady. Ár qýyrshaqtyń ózindik plastıkasy men beınelik sheshimi arqyly spektakl kórkemdik turǵydan baıyp, kórermenge erekshe estetıkalyq áser syılaıdy.
Atalmysh premera aıasynda Almaty qalasynyń Ortalyqtandyrylǵan kitaphana júıesimen birlesip mazmundy mádenı shara uıymdastyrylady. Premera aldynda kórermen qaýymǵa arnaıy daıyndalǵan kitap kórmesi usynylady. Bul kórmeniń maqsaty – jas kórermenderdiń kitapqa degen qyzyǵýshylyǵyn oıatyp, ádebıetke degen súıispenshiligin arttyrý, olardyń rýhanı damýyna jol ashý.
Teatr ordasy kitap pen teatrdy úndestire otyryp ótetin premeraǵa Almaty qalasynyń turǵyndary men qonaqtaryn ádebı mura men sahnalyq ónerdi qatar tamashalaýǵa shaqyrady. Bul bastama kórermenniń mádenı talǵamyn baıytyp qana qoımaı, kitap oqýǵa degen yntasyn arttyrýǵa baǵyttalǵan mańyzdy qadam bolmaq.
Gúlim KÓPBAIQYZY
