Qarashyǵanaq ken orny operatoryna mıllıondaǵan aıyppul salyndy. Karachaganak Petroleum Operating B.V. qorshaǵan ortaǵa zııan keltirgeni úshin 739,5 mln teńge aıyppul arqalaǵan. Bul týraly Batys Qazaqstan oblysynyń prokýratýrasy málimdedi, dep habarlaıdy “Adyrna” ulttyq portaly.
Munaı kompanııasy qorshaǵan ortaǵa zııandy qaldyqtardy bekitilgen shekten artyq tókken. Jalpy kólemi 264 tonna zııandy qaldyq shyǵarylǵan.
«Osyǵan baılanysty qadaǵalaý aktisi boıynsha Kompanııa ÁQBtK-niń 328-baby boıynsha ákimshilik jaýapkershilikke tartyldy (Qorshaǵan ortaǵa jol beriletin antropogendik áser etý, normatıvterin buzý), jalpy somasy 739 568 808 teńge aıyppul tolyǵymen óndirildi», – delingen prokýratýra habarlamasynda.
1979 jyly ashylǵan Qarashyǵanaq – álemdegi eń iri munaı-gaz ken oryndarynyń biri. Ken ornynyń operatory – Karachaganak Petroleum Operating B.Vkompanııasy.
