Futboldan Qazaqstan ūlttyq qūramasynyŋ bas bapkerı Stanislav Cherchesovke qazaq tılın «mysqyldaǧany» üşın aiyppūl salyndy. Būl turaly Parlamentte Qazaqstan futbol federasiiasynyŋ prezidentı Ädılet Barmenqūlov aitty, dep habarlaidy “Adyrna” ūlttyq portaly.
«Bas bapker jurnalistpen äzıldestı. Men oǧan bärın tüsındırdım. Endı mūndai qatelık jasamaidy. Sondyqtan ol üşın bükıl el aldynda jauaptymyn. Cherchesovke ışkı tekseruden keiın aiyppūl salyndy. Etikalyq jūmystar jalǧasyn tabady», - dedı Barmenqūlov.
Būǧan deiın Turizm jäne sport ministrlıgınıŋ basşylyǧy internette taraǧan videoǧa qatysty federasiiadan resmi tüsınıkteme berudı talap etken bolatyn. Videoda Cherchesov qazaq tılın qorlaityn mälımdemeler jasaǧan. Jattyqtyruşyǧa memlekettık tıldı qūrmetteu qajettılıgıne bailanysty tüsındırme jūmystaryn jürgızu ūsynyldy.
Keşelı berı äleumettık jelılerde futboldan Qazaqstan ūlttyq qūramasynyŋ bas bapkerı Stanislav Cherchesovtıŋ qazaq tılın kemsıtuge tyrysqany turaly video tarady. Osyǧan qatysty Turizm jäne sport ministrlıgı būl jaǧdaiǧa beijai qaramai, Qazaqstan futbol federasiiasyna resmi hat ta joldaǧan.
Aita keteiık, Ūlttar ligasy aiasynda Sloveniiamen ötken machtan keiıngı baspasöz konferensiiasynda marqūm Amangeldı Seiıthannyŋ ūly Begasyl Seiıthan Stanislav Cherchesovke qazaq tılınde sūraq qoiyp bastaidy. Bas bapker jurnalistıŋ üstıne Fransiianyŋ PSJ klubynyŋ jeidesın kiıp alǧanyn äzılge ainaldyrǧysy keldı me, äiteuır «Sen qai tılde söilep tūrsyŋ – fransuzşa ma?» dep sözın böldı. Sonan soŋ basyn izep, sūraǧyn jalǧastyruǧa bolatynyn aŋǧartty.
