Fýtboldan Qazaqstan ulttyq quramasynyń bas bapkeri Stanıslav Cherchesovke qazaq tilin «mysqyldaǵany» úshin aıyppul salyndy. Bul týraly Parlamentte Qazaqstan fýtbol federaııasynyń prezıdenti Ádilet Barmenqulov aıtty, dep habarlaıdy “Adyrna” ulttyq portaly.
«Bas bapker jýrnalıstpen ázildesti. Men oǵan bárin túsindirdim. Endi mundaı qatelik jasamaıdy. Sondyqtan ol úshin búkil el aldynda jaýaptymyn. Cherchesovke ishki tekserýden keıin aıyppul salyndy. Etıkalyq jumystar jalǵasyn tabady», - dedi Barmenqulov.
Buǵan deıin Týrızm jáne sport mınıstrliginiń basshylyǵy ınternette taraǵan vıdeoǵa qatysty federaııadan resmı túsinikteme berýdi talap etken bolatyn. Vıdeoda Cherchesov qazaq tilin qorlaıtyn málimdemeler jasaǵan. Jattyqtyrýshyǵa memlekettik tildi qurmetteý qajettiligine baılanysty túsindirme jumystaryn júrgizý usynyldy.
Kesheli beri áleýmettik jelilerde fýtboldan Qazaqstan ulttyq quramasynyń bas bapkeri Stanıslav Cherchesovtiń qazaq tilin kemsitýge tyrysqany týraly vıdeo tarady. Osyǵan qatysty Týrızm jáne sport mınıstrligi bul jaǵdaıǵa beıjaı qaramaı, Qazaqstan fýtbol federaııasyna resmı hat ta joldaǵan.
Aıta keteıik, Ulttar lıgasy aıasynda Slovenııamen ótken machtan keıingi baspasóz konferenııasynda marqum Amangeldi Seıithannyń uly Begasyl Seıithan Stanıslav Cherchesovke qazaq tilinde suraq qoıyp bastaıdy. Bas bapker jýrnalıstiń ústine Franııanyń PSJ klýbynyń jeıdesin kıip alǵanyn ázilge aınaldyrǵysy keldi me, áıteýir «Sen qaı tilde sóılep tursyń – franýzsha ma?» dep sózin bóldi. Sonan soń basyn ızep, suraǵyn jalǵastyrýǵa bolatynyn ańǵartty.
