Älemge äigılı qytai jazuşysy, ädebiet atalymy boiynşa Nobel syilyǧynyŋ iegerı Mo Iаn Qazaqstanǧa alǧaş ret keledı. Būl turaly Qazaqstan Jazuşylar odaǧynyŋ baspasöz qyzmetı mälımdedı, dep habarlaidy “Adyrna”.
Jazuşy QR Mädeniet aqparat ministrlıgı men Qazaqstan Jazuşylar odaǧynyŋ ūiymdastyruymen 22 mausym künı Äl-Farabi atyndaǧy Qazaq Ūlttyq universitetınıŋ bas ǧimaratynda elımızdıŋ tükpır-tükpırınen jinalǧan jas qalamgerlerge şeberlık därısın oqidy.
Şyǧarmalary älem oqyrmandarynyŋ ystyq yqylasyna bölengen Mo Iаnmen bırge Qytai Memlekettık syilyǧynyŋ, Halyqaralyq «Alaş» ädebi syilyǧynyŋ iegerı, jazuşy, audarmaşy Äkbar Mäjit, Beijıŋ Tıl jäne Mädeniet universitetınıŋ professory, ǧalym Liu Şisin qazaq topyraǧyna at basyn būrady.
Atalǧan şaralar 2024 jyldan berı Qazaqstan Jazuşylar odaǧy men Qazaqstan Respublikasy Mädeniet jäne aqparat ministrlıgınıŋ strategiialyq ärıptestıgı aiasynda jyl saiyn ötkızılıp kele jatqan «Jas jazuşylardyŋ ädebi şeberlık mektebı» kursynyŋ aiasynda jüzege asady.
Būǧan deiın Mo Iаnnyŋ "Şarap elı" romanynan üzındı jariialadyq.
