Shymkent ákiminiń orynbasaryn atyp ketkennen keıin áleýmettik jelide qylmystyń sebebine qatysty túrli qaýeset tarady. Alaıda qala bıligi bul málimet shyndyqqa janaspaıtynyn málimdedi, dep habarlaıdy “Adyrna” ulttyq portaly.
"Buqaralyq aqparat quraldary men áleýmettik jelide ákimniń orynbasary Rýslan Berdenovke shabýyl jasaýǵa kúdiktiniń áıeline qyryndaýy sebep boldy degen jalǵan aqparat taratyp jatyr. Bul málimet shyndyqqa janaspaıtynyn málimdeımiz", - dep habarlady Shymkent qalalyq polıııa departamenti.
Bul jaǵdaıǵa qalalyq ishki saıasat jáne jastar isi basqarmasynyń basshysy Áıgerim Jumaǵulova da túsinikteme berdi. Onyń aıtýynsha kúdiktiniń áıeli Berdenovpen tanys bolmaǵan.
"Polıııa bólimshesinde ustalǵan azamattyń áıelimen sóılestim. Áıel kýálik berýge kelip, Berdenovti tanymaıtynyn aıtty. Mundaı jaǵdaıda qyryndaý týraly ne aıtýǵa bolady? Tergeý qorytyndysy joq, sot úkimi shyqpady, sizderge aıyp taǵýǵa kim quqyq berdi?! Men bótenniń áıeline qyryndapty dep aıtyp qana qoımaı, kúdiktiniń áreketin aqtaıtyn adamdardy túsinbeımin», - deıdi Jumaǵulova.
Ol BAQ ókilderin, blogerler men quqyq qorǵaýshylardy zańdy buzbaýǵa jáne jalǵan aqparat jarııalamaýǵa shaqyrdy.
Eske sala keteıik, Berdenovqa qastandyq 21 sáýir kúni keshke jasalǵan. Qala ákiminiń orynbasary oq atyp jaraqat alyp, aýrýhanaǵa jatqyzyldy. Aldyn ala málimet boıynsha, oǵan oq atqan Shymkent qalasy ákimdiginiń TOO qyzmetkeri bolyp shyqty. Qastandyq boıynsha qylmystyq is qozǵalyp, kúdikti qolǵa tústi.
