Şymkent äkımınıŋ orynbasaryn atyp ketkennen keiın äleumettık jelıde qylmystyŋ sebebıne qatysty türlı qaueset tarady. Alaida qala bilıgı būl mälımet şyndyqqa janaspaitynyn mälımdedı, dep habarlaidy “Adyrna” ūlttyq portaly.
"Būqaralyq aqparat qūraldary men äleumettık jelıde äkımnıŋ orynbasary Ruslan Berdenovke şabuyl jasauǧa küdıktınıŋ äielıne qyryndauy sebep boldy degen jalǧan aqparat taratyp jatyr. Būl mälımet şyndyqqa janaspaitynyn mälımdeimız", - dep habarlady Şymkent qalalyq polisiia departamentı.
Būl jaǧdaiǧa qalalyq ışkı saiasat jäne jastar ısı basqarmasynyŋ basşysy Äigerım Jūmaǧūlova da tüsınıkteme berdı. Onyŋ aituynşa küdıktınıŋ äielı Berdenovpen tanys bolmaǧan.
"Polisiia bölımşesınde ūstalǧan azamattyŋ äielımen söilestım. Äiel kuälık beruge kelıp, Berdenovtı tanymaitynyn aitty. Mūndai jaǧdaida qyryndau turaly ne aituǧa bolady? Tergeu qorytyndysy joq, sot ükımı şyqpady, sızderge aiyp taǧuǧa kım qūqyq berdı?! Men bötennıŋ äielıne qyryndapty dep aityp qana qoimai, küdıktınıŋ äreketın aqtaityn adamdardy tüsınbeimın», - deidı Jūmaǧūlova.
Ol BAQ ökılderın, blogerler men qūqyq qorǧauşylardy zaŋdy būzbauǧa jäne jalǧan aqparat jariialamauǧa şaqyrdy.
Eske sala keteiık, Berdenovqa qastandyq 21 säuır künı keşke jasalǧan. Qala äkımınıŋ orynbasary oq atyp jaraqat alyp, auruhanaǧa jatqyzyldy. Aldyn ala mälımet boiynşa, oǧan oq atqan Şymkent qalasy äkımdıgınıŋ TOO qyzmetkerı bolyp şyqty. Qastandyq boiynşa qylmystyq ıs qozǧalyp, küdıktı qolǧa tüstı.
