Oqu-aǧartu ministrlıgı pedagogtardy attestattau qaǧidalaryn qaita qarap, ministrlıkte būǧan deiın bekıgen būiryqtardy qaita zerdeleitın boldy, dep habarlaidy «Adyrna» tılşısı.
Ministrlık mälımetınşe, saladaǧy qūqyqtyq aktılerge taldau jürgızetın jūmys toby qūrylǧan. Onyŋ qūramyna elımızdıŋ är öŋırınen belsendı pedagogter kırgen.
«Jūmys tobyn qūrudaǧy basty maqsat - pedagogtık qauymdastyqpen kerı bailanysty küşeitu, ūsynystardy aşyq jäne jariialy türde talqylau. Jūmys toby jürgızgen taldau nätijelerı boiynşa ministrlık naqty ūsynystar paketın äzırleidı. Bız on negızgı baǧyt boiynşa jūmys jasap, barlyq normativtık qūqyqtyq aktılerge taldau jasaimyz. Taldau qorytyndylary boiynşa ūsynystaryŋyz aldaǧy jyldyŋ aqpan aiynda ärbır baǧyt boiynşa bölek talqylanatyn bolady»,- dedı Oqu-aǧartu ministrı Jūldyz Süleimenova.
Jiynda jūmys tobyndaǧy belsendıler pedagogtardy attestattaudan ötkızu qaǧidalaryn da qaita qarau mäselesın köterdı. Būǧan deiın ministrlıkke kelıp tüsken ūsynystardyŋ denı attestattaudan ötu kezınde pedagogtardan avtorlyq baǧdarlamalardy äzırleu turaly talapty alyp tastau jönınde bolatyn.
«Bügınde «pedagog-şeber» bılıktılık sanatyna qoiylatyn talaptardyŋ bırı- respublikalyq oqu-ädıstemelık keŋes ūsynǧan avtorlyq baǧdarlamalardy äzırleu jäne täjıribege engızu. Y. Altynsarin atyndaǧy Ūlttyq bılım akademiiasy janyndaǧy Saraptamalyq keŋes mektepke deiıngı jäne orta bılım beru salasyndaǧy pedagogterdıŋ avtorlyq baǧdarlamalaryna respublikalyq deŋgeide saraptama jürgızedı»,-delıngen habarlamada.
2025 jyly Respublikalyq saraptamalyq keŋes 875 materialdy qarastyrǧan. Onyŋ ışınde 303 avtorlyq baǧdarlama maqūldanyp, 572 avtorlyq baǧdarlama qaita pysyqtauǧa jıberıldı. Ūsynylǧan avtorlyq baǧdarlamalardy taldau nätijelerı ärbır ekınşı jūmysty tolyqtyru kerektıgın körsetıp otyr.
Sala ministrı avtorlyq baǧdarlamalardyŋ köbı mazmūndyq jäne tehnikalyq talaptarǧa säikes kelmeitının jäne mūndai qūjattyŋ talap etıluı pedagogterdıŋ uaqytyn tiımsız jūmsauǧa jäne formalizmnıŋ küşeiuıne alyp kelgenın alǧa tartty. Maqūldanǧan avtorlyq baǧdarlamalardyŋ tızımı Y. Altynsarin atyndaǧy Ūlttyq bılım akademiiasynyŋ resmi saitynda jariialanǧanymen, baǧdarlamalar bılım beru ūiymdarynda keŋınen qoldanylmaidy.
«Attestasiia kezınde pedagogtarǧa qoiylatyn talaptar pedagog qyzmetınıŋ naqty nätijesıne baǧyttalyp, formaldy qūjat ainalymyn azaitudy, pedagogterdıŋ şyǧarmaşylyq äleuetın tiımdı paidalanuǧa jäne käsıbi şeberlıktı baǧalaudyŋ sapasyn arttyruǧa mümkındık beruı tiıs. Osy oraida sızderdıŋ taraptaryŋyzdan naqty ūsynystar kütemız»,- dedı Jūldyz Süleimenova jūmys tobynyŋ müşelerıne.
Aldaǧy uaqytta «pedagog-şeber» bılıktılık sanatyna qoiylatyn talaptar qatarynan avtorlyq baǧdarlamalardy äzırleudı alyp tastap, onyŋ ornyna pedagogtıŋ käsıbi qūzyrettılıgın naqty ärı ädıl baǧalauǧa mümkındık beretın, oqu-tärbie prosesınıŋ sapasyn arttyruǧa yqpal etetın balamaly instrumentter engızıletın bolady.
