Qazaqstan fýtbol federaııasy Álı Álıevti ulttyq quramanyń bas bapkeri etip taǵaıyndady, dep habarlaıdy "Adyrna" ulttyq portaly Tengri Sport siltep.
Osyǵan deıin ol bas bapkerdiń mindetin ýaqytsha atqaryp kelgen bolatyn.
Álıev Tengri Sport tilshisimen áńgimesinde bul aqparatty rastady jáne keshe ǵana Qazaqstan fýtbol federaııasymen resmı túrde kelisimshartqa qol qoıǵanyn aıtty. Alaıda kelisimsharttyń egjeı-tegjeıi qupııa bolyp qalýda, sebebi bapker qupııalylyq týraly qujatqa qol qoıǵan.
"Iá, men resmı túrde Qazaqstan quramasynyń bas bapkerimin. Kelisimshart týraly málimet bere almaımyn. Qupııalylyq týraly qujatqa da qol qoıdym. Keshe qol qoıyp, resmı túrde tirkeldim", – dedi Alıev.
Aıta keteıik, ol bul qyzmetke 2024 jyldyń 31 qańtarynda ýaqytsha taǵaıyndalǵan bolatyn. Ol reseılik maman Stanıslav Cherchesovtyń ornyna kelgen edi. Cherchesov kezinde Qazaqstan quramasy alty oıyn qatarynan gol soqpaǵan, bul el tarıhyndaǵy eń sátsiz kórsetkishterdiń biri retinde tirkelgen.
Álı Álıev jattyqtyrýymen Qazaqstan quramasy 2026 jylǵy álem chempıonatyna irikteý aıasynda eki match ótkizdi. 23 naýryz kúni Ýels astanasy Kardıfftegi "Kardıff Sıtı" stadıonynda ótken oıynda Qazaqstan quramasy 3:1 esebimen jeńilip qaldy. Al 26 naýryz túninde Lıhtenshteınge qarsy oıynda ulttyq qurama 0:2 esebimen jeńiske jetip, uzaq úzilisten keıin alǵash ret irikteý kezeńinde jeńis toıyn toılady.
Bul – Qazaqstan quramasynyń álem chempıonatynyń irikteý kezeńindegi sońǵy 11 jyldan astam ýaqyt ishindegi alǵashqy jeńisi. Buǵan deıingi jeńis 2013 jyldyń 6 qyrkúıeginde Farer araldaryna qarsy ótken matchta (2:1) tirkelgen.
