12 säuırınde Şymkent qalasynyŋ Qaratau audanyndaǧy Tūran-1 yqşam audanynda №10 üi maŋynda bolǧan qaiǧyly oqiǧa jūrtşylyqtyŋ jüregın auyrtty. Jaŋbyr suyna tolyp ketken aşyq kärız qūdyǧyna qūlap, 6 jasar bala qaza tapty. Marqūm balanyŋ bırınşı synyp oquşysy ekenı belgılı boldy, dep habarlaidy "Adyrna" ūlttyq portaly.
Tūrǧyndardyŋ aituynşa, kärız şūŋqyry bır jyl boiy aşyq jatqan. Alaida osy uaqyt ışınde mäsele şeşılmei kelgen.
Şymkent qalasy äkımınıŋ orynbasary Särsen Qūranbektıŋ aituynşa, atalǧan şūŋqyr qazırgı qala äkımı Ǧabit Syzdyqbekov qyzmetıne kırıspei tūryp aşyq jatqan. Būl mäselenı endı bır ai ışınde qalpyna keltıru josparlanyp otyr.
Osyǧan bailanysty jauapty tūlǧalarǧa naqty şaralar qoldanyldy. Qaratau audanynyŋ äkımı bolyp üş jyl qyzmet etken Raqymberdı Mülkemanov qyzmetınen bosatyldy. Salaǧa jetekşılık etetın qala äkımınıŋ orynbasary Quanyş Asylovqa sögıs jariialandy. Sonymen qatar qalalyq energetika jäne kommunaldyq şaruaşylyq basqarmasynyŋ basşysyna da qataŋ sögıs berıldı.
Qala bilıgı oqiǧanyŋ saldaryn joiumen qatar, osyndai jaǧdailardyŋ qaitalanbauyn qamtamasyz etuge uäde berıp otyr. Degenmen, qaiǧyly jaǧdaidyŋ aldyn aluǧa bolatyn edı degen pıkırler qoǧamda keŋ taralǧan.
