Shymkenttik er adam múgedekterdi májbúrlep qaıyr suratqan, dep habarlaıdy “Adyrna” ulttyq portaly KTK-ǵa siltep.
35 jastaǵy er adamdy Túrkistan oblysynyń uıymdasqan qylmysqa qarsy kúres basqarmasynyń ókilderi uzaq ýaqyt ańdyǵan.
Ol qos birdeı aıaǵynan aıyrylǵan, arbaǵa tańylǵan egde jastaǵy er adam men densaýlyǵy nashar taǵy bir azamatty eki jyl boıy aımaqtyń ár túkpirine aparyp, kóshede qol jaıǵyzyp, qaıyr suratqan.
Kóptiń bergen aqshasyn óz qaltasyna basyp otyrǵan.
Eń soraqysy, ol eki jyldan soń qos qaıyrshyny ózge bireýge satpaq bolǵan. Satyp alýshy retinde habarlasqan jedel ýákilden eki múgedekke 400 myń teńge suraǵany anyqtaldy. Osy somany alý ústinde 35 jastaǵy kúdikti ustalyp abaqtyǵa qamaldy. Qazir iske qatysy bar degen 10 adam tergelip jatyr.
“Sonymen qatar taǵy 10 azamattyń adam saýdasymen aınalysý qatystylyǵyna tekserý júrgizilýde. Adam saýdasy faktisi boıynsha tergep-tekserý júrip jatyr. Ózge de aqparat qylmystyq proessýaldyq kodekstiń 201-babyna saı, jarııa etilmeıdi”, - deıdi Túrkistan oblysy prokýratýrasynyń basqarma prokýrory Oljas Marın.
