Şymkenttık er adam mügedekterdı mäjbürlep qaiyr sūratqan, dep habarlaidy “Adyrna” ūlttyq portaly KTK-ǧa sıltep.
35 jastaǧy er adamdy Türkıstan oblysynyŋ ūiymdasqan qylmysqa qarsy küres basqarmasynyŋ ökılderı ūzaq uaqyt aŋdyǧan.
Ol qos bırdei aiaǧynan aiyrylǧan, arbaǧa taŋylǧan egde jastaǧy er adam men densaulyǧy naşar taǧy bır azamatty ekı jyl boiy aimaqtyŋ är tükpırıne aparyp, köşede qol jaiǧyzyp, qaiyr sūratqan.
Köptıŋ bergen aqşasyn öz qaltasyna basyp otyrǧan.
Eŋ soraqysy, ol ekı jyldan soŋ qos qaiyrşyny özge bıreuge satpaq bolǧan. Satyp aluşy retınde habarlasqan jedel uäkılden ekı mügedekke 400 myŋ teŋge sūraǧany anyqtaldy. Osy somany alu üstınde 35 jastaǧy küdıktı ūstalyp abaqtyǧa qamaldy. Qazır ıske qatysy bar degen 10 adam tergelıp jatyr.
“Sonymen qatar taǧy 10 azamattyŋ adam saudasymen ainalysu qatystylyǧyna tekseru jürgızılude. Adam saudasy faktısı boiynşa tergep-tekseru jürıp jatyr. Özge de aqparat qylmystyq prosessualdyq kodekstıŋ 201-babyna sai, jariia etılmeidı”, - deidı Türkıstan oblysy prokuraturasynyŋ basqarma prokurory Oljas Marin.
Ūqsas jaŋalyqtar
