Bügın elımızde «Küş leksiiasy» jalpyrespublikalyq jobasy bastaldy. Onyŋ alǧaşqy aprobasiiasy Türkıstan oblysynda ötude. Atap aitqanda, Türkıstan qalasyndaǧy Farab kıtaphanasynda qoǧam men jastarǧa arnalǧan tyŋ formattaǧy «Küş leksiiasy» synnan öttı.
Jobanyŋ avtory ärı jetekşısı – ūlttyq sport türlerı men küş mädenietın zertteuşı, «Baluan tas» qūrylymynyŋ negızın qalauşy Abylaihan Qalnazarov.
«Küş leksiiasy» – jastardyŋ ruhyn köterıp, ömırlık ūstanymyn nyǧaituǧa, ūlttyq bolmys pen batyrlyq qūndylyqtardy därıpteuge baǧyttalǧan jaŋa motivasiialyq platforma. Joba azamattyq bastama retınde jüzege asyp otyr jäne Qazaqstannyŋ 20 öŋırın qamtudy közdeidı. Ol «Baluan tas» ūlttyq sport türlerı jäne mädenietı akademiiasynyŋ ıske qosyp otyrǧan ekınşı jobasy.
«Būl – qoǧamǧa, äsırese talapty ärı sportpen şūǧyldanatyn jastarǧa arnalǧan būryn-soŋdy bolmaǧan erekşe joba. Basty maqsatymyz – qazaq tarihyndaǧy memleketşıl tūlǧalar men batyr-baluandardyŋ taǧylymdy ömır jolyn bügıngı ūrpaqqa ülgı etu. Būl – şynaiy erlık pen eŋbektıŋ, ūlttyq ruh pen tabandylyqtyŋ därısı», – dedı Abylaihan Qalnazarov.
Jobanyŋ negızgı mındetterı:
- Ūlttyq batyrlyq pen küş mädenietın jaŋǧyrtu;
- Jastarǧa şynaiy motivasiia beru;
- Sportşy buynǧa baǧyttalǧan arnaiy därıster ötkızu;
- Ūlttyq qūndylyqtardy qazırgı zamanmen sabaqtastyru;
- Aşyq dialog alaŋyn qalyptastyru;
- Sifrlyq jäne media-kontent jasau arqyly keŋ auditoriiany qamtu.
Alǧaşqy nätijeler men aldaǧy josparlar:
Joba aiasynda 2025 jyldyŋ soŋyna deiın:
◉ 20 öŋırde motivasiialyq leksiialar ūiymdastyrylady;
◉ 300 myŋnan astam jas qatysatyn bolady;
◉ 100-den astam tanymal tūlǧa spiker retınde şaqyrylady;
◉ Äleumettık jelıler men media arqyly millionǧa juyq auditoriiany qamtityn kontent ūsynylady.
Sonymen qatar jobanyŋ ıske asuyna alǧaş qoldau bıldırıp otyrǧan Farab kıtaphanasymen özara yntymaqtastyq turaly memorandumǧa qol qoiyldy. Būl ärıptestık aldaǧy uaqytta mädeni-aǧartuşylyq baǧyttaǧy jaŋa jobalarmen jalǧasyn tappaq. Taǧy bır maŋyzdy tūs, «Baluan tas» qūrylymy respublikalyq deŋgeide äreket etetın ūiym bolǧandyqtan, onyŋ Türkıstan qalasy filialy jetekşılıgıne jergılıktı ǧalym, PhD doktor Qainar Qaldybai bekıtıldı.
Aita keteiık, «Baluan tas» ūlttyq sport türlerı jäne mädenietı akademiiasy – qazaq halqynyŋ barlyq dästürlı sportyn saqtau, damytu jäne halyqaralyq deŋgeide tanymal etuge baǧyttalǧan innovasiialyq ortalyq. Būl ūiym ūlttyq sport türlerınıŋ fizikalyq, ruhani-mädeni jäne ziiatkerlık qūndylyqtaryn zerttep zerdelep, bolaşaq ūrpaqqa jetkızudı jäne sport arqyly eldık ruhty küşeitudı közdeidı. Ol 2025 jyly 17 nauryzynda ūlttyq sport türlerı zertteuşılerı men ǧalymdarynyŋ bastamasymen Astana qalasynda qūrylyp, öz jūmysyn bastady. Qūryltaişysy jäne jetekşısı Abylaihan Qalnazarov.
