Qasym-Jomart Toqaevtyń jalpyulttyq saılaýda jeńiske jetip, el prezıdenti qyzmetine kiriskenine týra bir jyldyń júzi tolǵan. Ataýly kúnge oraı Senat tóraǵasy Máýlen Áshimbaev Facebook paraqasynda jazba jarııalady, dep habarlaıdy "Adyrna" tilshisi.
Máýlen Áshimbaev áleýmettik jelidegi paraqshasynda:
Atalǵan saılaýda Qazaqstan halqynyń basym kópshiligi memleket basshysy usynǵan reformalar baǵdarlamasyn jáne Ádiletti Qazaqstan qurý baǵdaryn qoldap, daýys bergen edi. Osy ýaqyt ishinde elimizdiń qoǵamdyq-saıası ómirine jáne ekonomıkasyna áser etken aıtarlyqtaı ózgerister boldy. Bıliktiń barlyq tarmaqtary qaıta jańǵyrtyldy. Saıası júıeni demokratııalandyrý jolynda mańyzdy qadamdar jasaldy. Tejemelik pen tepe-teńdik júıesi kúsheıe tústi. Óńirlerdiń derbestigi de nyǵaıyp keledi. Ákimshilik reforma iske asyryla bastady, - dedi tóraǵa.
Sondaı-aq ol saılaý júıesi de jańartylǵanyn toqtaldy. "Ulttyq qor-balalarǵa" atty prezıdenttik baǵdarlama barysyn atap, aýdandar men aýyl ákimderiniń saılaýyn aıtty.
Halyqtyń ál-aýqatyn jaqsartý jáne ómir súrý sapasyn arttyrý baǵytynda da aýqymdy jumys atqaryldy. Áleýmettik saıasattyń tıimdiligin arttyrý úshin arnaıy Áleýmettik kodeks qabyldandy. «Jaıly mektep», «Aýylda densaýlyq saqtaýdy jańǵyrtý», «Aýyl amanaty» sııaqty ulttyq jobalar júıeli túrde iske asyrylyp keledi. Kelesi jyldan bastap «Ulttyq qor – balalarǵa» prezıdenttik baǵdarlamasy aıasynda tólemder tólene bastaıdy.
Senat tóraǵasy Prezıdent Qasym-Jomart Kemeluly Toqaevtyń saıasatyn qoldap, memleket basshysynyń tóńiregine toptasýy asa mańyzdy ekenin jetkizdi.
«Birligi bekem el bıikti baǵyndyrady» deıdi. Shyn máninde biz ádiletti, jańarǵan, ınklıýzıvti jáne demokratııalyq Qazaqstan qurý jolynda judyryqtaı jumyla bilsek, kózdegen maqsattarymyzǵa qol jetkizemiz», - dep túıindedi sózin Máýlen Áshimbaev.
