Tájikstanda úsh úkimettik emes uıym el prezıdenti Emomalı Rahmonnyń ústinen Gaagadaǵy halyqaralyq qylmystyq sotqa shaǵym túsirdi. Bul týraly Pamir Inside jazdy, dep habarlaıdy «Adyrna» tilshisi.
Shaǵymdanǵandar qatarynda Tájikstanda tyıym salynǵan «Islamnyń qaıta jańǵyrýy» partııasy, Halyqaralyq eriktiler ýkraınalyq qory (FUVI) men Freedom For Eurasia qoǵamdyq uıymy bar. Olar el bıligin adamzatqa qarsy qylmys jasady dep aıyptap otyr.
«11 sáýirde Rahmonǵa qarsy Gaaga sotyna shaǵym túsirdik. Ol jaqynda tájik halqyna jasaǵan barlyq qylmysy úshin jaýap beretin bolady»,—dedi «Islamnyń qaıta jańǵyrýy» partııasynyń jetekshisi Mýhıddın Kabırı.
Sheteldik BAQ-tyń málimetinshe, shaǵymda azaptaý, zorlaý, kisi óltirý, elden kúshten ketirý syndy basqa da qylmystar týraly aıtylady. Tájik oppozıııasy tergeýdi bastap, kinálilerdi jazalaýdy talap etýde.
Aıta keteıik, ázirge Tájikstan bıligi bul jaǵdaıǵa qatysty málimdeme jasamady.
