Taraz qalasynda ekpe salý qyzmetin kórsetken em-shara kabınetine barǵan eki er adam anafılaktıkalyq shoktan kóz jumdy, dep habarlaıdy "Adyrna" ulttyq portaly KTK telearnasyna silteme jasap.
29 jastaǵy Islambek esimdi azamat jolserik bolyp jumys isteıdi. Ol saparǵa shyǵar aldynda tamaǵyn emdetpek bolyp, em-shara kabınetine barǵan. Biraq dárigerdiń nusqaýlyǵy bolmaǵan. Soǵan qaramastan, synama jasalmaı, antıbıotık birden egilgen. Naýqas dárige tózimsizdik tanytyp, esinen tanyp qalǵan. Alaıda alǵashqy medıınalyq kómek kórsetilmegen.
«Balam 15 mınýt boıy jan tapsyrmaı arpalysty. Biraq kómek kórsetilmedi. Adrenalın de bolmaǵan. Alǵashqy kómekke qajetti dári-dármek múlde bolmaǵan», – deıdi marqumnyń ákesi Temirhan Úsenov.
Marqumǵa ekpe salǵan meıirbıkeniń de arnaıy ruqsat qujaty bolmaǵany anyqtaldy. Em-shara bólmesiniń ıesi óz kinásin moıyndamaı, jedel járdemdi keshikkeni úshin kinálady.
Osy oqıǵadan bes kún ótken soń dál osyndaı jaǵdaı taǵy bir emdeý ortalyǵynda qaıtalandy. 50 jastaǵy Erlan Atabekov te antıbıotık saldyrǵan soń anafılaktıkalyq shoktan qaza tapty. Marqumnyń jubaıy Móldir Mekemtastyń aıtýynsha, synama ekpe qolyna emes, birden jambasyna salynǵan. Jedel járdem kelgenshe kúıeýi kóz jumǵan.
«Kúıeýimdi tirideı alyp kelip, óli denesin alyp shyqtym. Qazir eki balamen jesir qaldym», – deıdi marqumnyń jary.
Jambyl oblystyq medıınalyq qyzmet jáne farmaevtıkany baqylaý departamenti atalǵan emdeý oryndarynyń ekpe salýǵa lıenzııasy bolmaǵanyn rastady. Qazir qaladaǵy barlyq proedýralyq kabınetter tekserilip jatyr.
Al polıııa departamenti eki ólimge baılanysty qylmystyq is qozǵap, sotqa deıingi tergeý júrgizýde.
