Tarazdaǧy fosfor zauytynda jarylys bolyp, jūmysşylar himiialyq küiık aldy, dep habarlaidy «Adyrna» tılşısı.
Būl serıktestık «Qazfosfat» JŞS-ge qaraidy. Tötenşe jaǧdai 3 tamyz künı saǧat 11:30 şamasynda bolǧan.
«Sary fosfor qoimasynyŋ territoriiasynda № 7 sehtyŋ qara jūmysşysy Ormanov Daniiar jäne № 31 şikızat daiyndau sehynyŋ aǧa injenerı Qaldybai Şahadiiar himiialyq küiık aldy. Zardap şekkender №1 qalalyq auruhanaǧa jetkızıldı. Jūmys kılt toqtatylyp, oqiǧa orny qorşaldy»,—dep tüsındırdı jauapkerşılıgı şekteulı serıktestık.Därıgerlerdıŋ aituynşa, nauqastarǧa termiialyq küiıktıŋ 2-3 kezeŋı, 22% küigen degen diagnoz qoiylǧan. Jazataiym oqiǧanyŋ aldyn ala sebebı - qauıpsızdık erejelerın saqtamau. Qazırgı taŋda tergeu jūmystary jürgızılıp jatyr.
Ūqsas jaŋalyqtar
