10 sáýir kúni tańǵy ýaqytta Abaı oblysynda adam ólimimen aıaqtalǵan aýyr jol-kólik oqıǵasy tirkeldi, dep habarlaıdy "Adyrna" ulttyq portaly.
Oblystyq polıııanyń málimetinshe, tańǵy saǵat 6 shamasynda 33 jastaǵy Volkswagen Passat kóliginiń júrgizýshisi Semeı qalasynan Borodýlıha aýylyna qaraı baǵyt alǵan. Alaıda joldyń 16-shaqyrymynda rýlge ıe bola almaı, kólik jol jıegine ushyp ketken. Avtokólik orman alqabyndaǵy aǵashtarǵa soǵylyp, qatty soqqy saldarynan júrgizýshi oqıǵa ornynda kóz jumdy.
«Apat saldarynan júrgizýshi alǵan jaraqattarynan oqıǵa ornynda qaıtys boldy. Osy fakti boıynsha Qylmystyq kodekstiń tıisti babymen sotqa deıingi tergeý bastaldy», – delingen polıııa taratqan resmı málimette.
Qazirgi tańda oqıǵanyń mán-jaıy anyqtalyp jatyr. Saraptamalar taǵaıyndalǵan.
