2025 jylǵy 9 sáýirde Ál-Farabı atyndaǵy Oqýshylar saraıynda dúnıe júzinen kelgen ǵalymdar, bilim berý salasynyń sarapshylary, jas zertteýshiler men oqýshylar bas qosqan erekshe ǵylymı is-shara – III Halyqaralyq ǵylymı forým óz jumysyn bastady.
Alǵashqy quttyqtaý sózderdi Astana qalasynyń Bilim basqarmasynyń basshysy Sengazaev Kasymhan Sengazaevıch pen respýblıkalyq «Daryn» ǵylymı-praktıkalyq ortalyǵynyń dırektory Tursynov Gajdembek Qýanyshuly aıtty. Olar jastardyń ǵylymǵa degen qyzyǵýshylyǵy men yntasyn joǵary baǵalap, bilim men ınnovaııanyń el bolashaǵyndaǵy orny týraly atap ótti.
Parıj ýnıversıtetiniń professory, Franııa Ulttyq ǵylym akademııasynyń múshesi Per Lena myrza jastardyń ǵylymı áleýetin damytýdaǵy ınnovaııalyq bilim berý jobalarynyń mańyzyn erekshe atap ótti. Ol forýmǵa onlaın rejımde qatysyp, halyqaralyq yntymaqtastyq pen jastardyń jahandyq ǵylymdaǵy rólin tilge tıek etti.
Qazaqstannan Lázzat Abaıqyzy – ICSC prezıdenti, QR patenttik senimdi ókili, “Balalar ǵylymda” jobasynyń jetekshisi retinde sóz sóılep, ǵylym men bilimniń turaqty damý maqsatyndaǵy mańyzdylyǵyna toqtaldy. Ol ǵylymı jazba men akademııalyq tildi meńgerýdiń mańyzyn atap, oqýshylarǵa aǵylshyn tilinde joba qorǵaý baǵytynda júrgizilgen daıyndyq jumystary týraly baıandady.
Forým barysynda Manzýr Somro (Pákistan) qazirgi jastardyń ǵylymı-zertteý jumystaryna daıyndyǵy jaıynda óz oıyn bildirdi.
Sondaı-aq, Jańa Zelandııadaǵy Oklend ýnıversıtetiniń doktoranty Shyńǵys Aqnııazov «Astronomııa jáne kosmonavtıka: Aıǵa sapar jáne keri oralý» atty prezentaııasynda ǵaryshtyq zertteýlerdiń qazirgi jetistikteri men bolashaǵyna sholý jasady.
Forýmda halyqaralyq baıqaýlardyń jeńimpazy atanǵan oqýshylardyń ǵylymı jobalaryn aǵylshyn tilinde tanystyrý sáti boldy. Máselen, kókshetaýlyq oqýshy Arýjan Jánibek topyraqtyń quramyn taldaıtyn jáne sýdy únemdeıtin «Jeruıyq» qurylǵysyn tanystyrdy. Bul joba Koreıada ótken halyqaralyq baıqaýda altyn medalǵa ıe bolǵan.
Bul forým – ǵylymmen erte aınalysqan jastardyń jetistikterge erte jetýiniń aıqyn dáleli. Bilim berý júıesindegi jańashyldyqtar men ǵylymı oı-pikirler toǵysqan bul alań – bolashaq kóshbasshylar men jańalyq ashýshy býynnyń qalyptasýyna serpin beretin mańyzdy platforma.
Qazaqstandaǵy bilim júıesi jańa belesterge kóterilýde, jáne bul forým — sol jetistikterge aparar joldyń bir bóligi.
