Qytaı astanasynda kórshiles elderge qatysty QHR-dyń syrtqy saıasatyna arnalǵan ortalyq keńes ótti. Eki kúnge sozylǵan mańyzdy jıynda QHR tóraǵasy, QKP Ortalyq Komıtetiniń Bas hatshysy jáne Ortalyq áskerı keńestiń tóraǵasy Sı zınpın sóz sóılep, kórshi eldermen “ortaq taǵdyr qaýymdastyǵyn” qurý qajettigin atap ótti, dep habarlaıdy “Adyrna” ulttyq portaly.
Sı zınpınniń aıtýynsha, Qytaıdyń úlken aýmaǵy men uzyn shekarasyna baılanysty kórshi memlekettermen qarym-qatynas ulttyq qaýipsizdik pen damý úshin strategııalyq mańyzǵa ıe. Ol kórshiles óńirlerge ǵalamdyq aýqymda qaraý, jaýapkershilik pen tarıhı mıssııany sezine otyryp jumys júrgizý qajet ekenin aıtty.
QHR basshysy Qytaıdyń kórshiles eldermen jańa dáýirdegi saıasatynyń jetistikterin júıelep, qazirgi halyqaralyq jaǵdaıǵa ǵylymı taldaý jasady. Ol aldaǵy kezeńge arnalǵan negizgi maqsattar men naqty sharalardy aıqyndap berdi.
Qytaı 18-sezden beri tatý kórshilik, shyn peıil, ózara tıimdilik jáne ashyqtyq qaǵıdattaryn ustanyp keledi. Bul qaǵıdattar “ortaq taǵdyr qaýymdastyǵy” tujyrymdamasynyń negizin quraıdy.
Sı zınpın Qytaıdyń kórshiles memlekettermen jan-jaqty yntymaqtastyqty tereńdetip, túrli saladaǵy almasýlardy keńeıtip jatqanyn atap ótti. Kóshbasshylyq deńgeıdegi dıplomatııanyń arqasynda tarıhı jetistikterge qol jetkizilgenin aıtty.
Alaıda qazirgi kúrdeli halyqaralyq jaǵdaı Qytaıdan damý men qaýipsizdik múddelerin ushtastyryp, ishki jáne syrtqy faktorlardy úılestire otyryp áreket etýdi talap etedi.
Qytaı bolashaqta da tatý, turaqty jáne órkendegen kórshilik saıasatyn ustanatyn bolady. Bul saıasat azııalyq qundylyqtarǵa — beıbitshilik, yntymaqtastyq, ashyqtyq jáne ózara qurmetke negizdelmek.
«Bir beldeý — bir jol» bastamasy basty yntymaqtastyq alańy retinde qala beredi. Qytaı strategııalyq senimdi arttyryp, kórshi elderdiń damý jolyn óz erkimen tańdaýǵa qurmetpen qaraıtynyn jetkizdi.
Gýmanıtarlyq baılanystardy, shekaralyq qatynastardy jeńildetý jáne halyqtar arasyndaǵy tikeleı baılanystardy nyǵaıtý da negizgi baǵyttar qatarynda bolmaq.
Keńeske QKP Saıası bıýrosynyń Turaqty komıtet músheleri – Lı ıan, Chjao Lezı, Van Hýnın, aı ı, Dın Sıýesıan, Lı Sı jáne QHR Tóraǵasynyń orynbasary Han Chjen qatysty. Jıynǵa QHR Memlekettik keńesiniń premeri Lı ıan tóraǵalyq etti. Ol Sı zınpınniń sózin tereń túsinip, barlyq tapsyrmalardy muqııat oryndaý qajet ekenin erekshe atap ótti.
