Qytai astanasynda körşıles elderge qatysty QHR-dyŋ syrtqy saiasatyna arnalǧan ortalyq keŋes öttı. Ekı künge sozylǧan maŋyzdy jiynda QHR töraǧasy, QKP Ortalyq Komitetınıŋ Bas hatşysy jäne Ortalyq äskeri keŋestıŋ töraǧasy Si Szinpin söz söilep, körşı eldermen “ortaq taǧdyr qauymdastyǧyn” qūru qajettıgın atap öttı, dep habarlaidy “Adyrna” ūlttyq portaly.
Si Szinpinnıŋ aituynşa, Qytaidyŋ ülken aumaǧy men ūzyn şekarasyna bailanysty körşı memlekettermen qarym-qatynas ūlttyq qauıpsızdık pen damu üşın strategiialyq maŋyzǧa ie. Ol körşıles öŋırlerge ǧalamdyq auqymda qarau, jauapkerşılık pen tarihi missiiany sezıne otyryp jūmys jürgızu qajet ekenın aitty.
QHR basşysy Qytaidyŋ körşıles eldermen jaŋa däuırdegı saiasatynyŋ jetıstıkterın jüielep, qazırgı halyqaralyq jaǧdaiǧa ǧylymi taldau jasady. Ol aldaǧy kezeŋge arnalǧan negızgı maqsattar men naqty şaralardy aiqyndap berdı.
Qytai 18-sezden berı tatu körşılık, şyn peiıl, özara tiımdılık jäne aşyqtyq qaǧidattaryn ūstanyp keledı. Būl qaǧidattar “ortaq taǧdyr qauymdastyǧy” tūjyrymdamasynyŋ negızın qūraidy.
Si Szinpin Qytaidyŋ körşıles memlekettermen jan-jaqty yntymaqtastyqty tereŋdetıp, türlı saladaǧy almasulardy keŋeitıp jatqanyn atap öttı. Köşbasşylyq deŋgeidegı diplomatiianyŋ arqasynda tarihi jetıstıkterge qol jetkızılgenın aitty.
Alaida qazırgı kürdelı halyqaralyq jaǧdai Qytaidan damu men qauıpsızdık müddelerın ūştastyryp, ışkı jäne syrtqy faktorlardy üilestıre otyryp äreket etudı talap etedı.
Qytai bolaşaqta da tatu, tūraqty jäne örkendegen körşılık saiasatyn ūstanatyn bolady. Būl saiasat aziialyq qūndylyqtarǧa — beibıtşılık, yntymaqtastyq, aşyqtyq jäne özara qūrmetke negızdelmek.
«Bır beldeu — bır jol» bastamasy basty yntymaqtastyq alaŋy retınde qala beredı. Qytai strategiialyq senımdı arttyryp, körşı elderdıŋ damu jolyn öz erkımen taŋdauǧa qūrmetpen qaraitynyn jetkızdı.
Gumanitarlyq bailanystardy, şekaralyq qatynastardy jeŋıldetu jäne halyqtar arasyndaǧy tıkelei bailanystardy nyǧaitu da negızgı baǧyttar qatarynda bolmaq.
Keŋeske QKP Saiasi biurosynyŋ Tūraqty komitet müşelerı – Li Sian, Chjao Leszi, Van Hunin, Sai Si, Din Siuesian, Li Si jäne QHR Töraǧasynyŋ orynbasary Han Chjen qatysty. Jiynǧa QHR Memlekettık keŋesınıŋ premerı Li Sian töraǧalyq ettı. Ol Si Szinpinnıŋ sözın tereŋ tüsınıp, barlyq tapsyrmalardy mūqiiat oryndau qajet ekenın erekşe atap öttı.
Ūqsas jaŋalyqtar
