Ýkraına prezıdenti Vladımır Zelenskıı Vıktor Maıkony Qazaqstan Respýblıkasyndaǵy Tótenshe jáne Ókiletti elshi etip taǵaıyndady, dep habarlaıdy “Adyrna” ulttyq portaly.
Vıktor Anatolevıch Maıko 1960 jyly Ýkraınadaǵy Dnepropetrovsk qalasynda dúnıege kelgen. 1982 jyly Taras Shevchenko atyndaǵy Kıev memlekettik ýnıversıtetiniń jýrnalıstıka fakýltetin támamdaǵan. 1999 jyly Ýkraına syrtqy saýda akademııasynda ekonomıka ǵylymdarynyń kandıdaty dárejesin alǵan.
Eńbek jolyn jýrnalıst retinde bastaǵan Maıko 1982 jyly Kıevtegi Antonov atyndaǵy ushaq zaýytynyń «Znamıa sorevnovanııa» gazetinde tilshi bolyp jumys istedi. 1989 jyly Ýkraına Syrtqy ister mınıstrligi janyndaǵy basshylyq kadrlardy qaıta daıarlaý ınstıtýtyna ǵylymı redaktor bolyp qabyldandy.
Dıplomatııalyq qyzmetin 1994 jyly bastaǵan ol Ýkraınanyń Ulybrıtanııa men Irlandııadaǵy elshiliginiń saýda-ekonomıkalyq mıssııasynda bes jyl qyzmet atqardy. 2005-2010 jyldary Ýkraınanyń Túrkimenstan men Aýǵanstandaǵy elshisi bolyp taǵaıyndaldy. 2010-2014 jyldary Ýkraına syrtqy ister mınıstriniń orynbasary qyzmetin atqardy. 2020 jyly qaıtadan Ýkraınanyń Túrkimenstandaǵy elshisi bolyp taǵaıyndaldy.
Maıkonyń aldyndaǵy elshi Petr Vrýblevskıı 2022 jyly daýly suhbatynan keıin qyzmetinen bosatylǵan bolatyn. Osy jaǵdaıdan keıin Qazaqstan men Ýkraına taraptary jańa elshi taǵaıyndaý máselesin talqylap, nátıjesinde Vıktor Maıko bul laýazymǵa bekitildi.
