Ózbekstannyń saıası sahnasynda mańyzdy kadrlyq aýys-túıister oryn alýda. Buryn Prezıdent Ákimshiliginiń basshysy bolǵan Zaınılobıddın Nızomıddınov endi Tashkent oblysyndaǵy Bekabad aýdanynyń hokımi qyzmetine kiristi, dep habarlaıdy "Adyrna" ulttyq portaly oblys ákimshiliginiń baspasóz qyzmetine siltep.
Aýdannyń jańa basshysyn tanystyrý sátinde Tashkent oblysynyń ákimi Zoıır Mırzaev Bekabadtyń áleýmettik-ekonomıkalyq kórsetkishteriniń tómendigin ashyq atap ótti. Aýdan qyzmet kórsetý kólemi, bıýdjet kiristeri jáne ınvestıııa tartý boıynsha óńirde sońǵy orynda tur.
Buǵan deıin osy qyzmetti atqarǵan Shýhrat Dýstbekov qyzmetinen bosatyldy, al Nızomıddınovtyń kandıdatýrasy aýdandyq halyq depýtattary keńesiniń kezekten tys sessııasynda maquldandy.
Nızomıddınov 2018 jyldyń tamyzynan 2022 jyldyń shildesine deıin Ózbekstan prezıdenti ákimshiligin basqardy. Buǵan deıin Prezıdent Shavkat Mırzııoevtiń premer-mınıstr kezeńindegi kómekshisi bolǵan. 2022 jyly densaýlyq jaǵdaıyna baılanysty basqa jumysqa aýysyp, Ózbekstan Kásipodaqtar Federaııasy tóraǵasynyń birinshi orynbasary bolyp taǵaıyndaldy. Bul laýazym sol ýaqytta jańadan qurylǵan edi. 2023 jyly prezıdent Mırzııoev Prezıdent Ákimshiligi basshysy qyzmetin múldem joıǵan bolatyn.
