Özbekstan prezidentı Şavkat Mirziioev memlekettık tıldı damytuǧa arnalǧan jaŋa qaulyǧa qol qoidy, dep habarlaidy "Adyrna" ūlttyq portaly Ferǧanaǧa sıltep.
Prezident Özbekstanda 20 qazan, memlekettık tıl künı qarsaŋynda özbek tılın damytu men ılgerıletuge baǧyttalǧan qaulyǧa qol qoidy. Qūjat memlekettık tıldı qoǧamdyq-saiasi ömırdıŋ barlyq salasynda keŋınen qoldanu, onyŋ oqytyluyn jetıldıru jäne zamanaui aqparattyq tehnologiialarmen yqpaldastyru şaralaryn qamtidy.
Qaulyǧa säikes, 2025–2026 jyldary özbek tılın damytu jäne tıl saiasatyn jetıldıru tūjyrymdamasyn ıske asyru baǧdarlamasy bekıtıldı. 2026 jyldyŋ 1 qaŋtarynan bastap memlekettık organdar men aimaqtyq äkımdıkterde ruhaniiat jäne memlekettık tıl mäselelerı jönındegı keŋesşı lauazymy engızıledı.
Sondai-aq mektepke deiıngı jäne jalpy bılım beru mekemelerınde özbek tılın oqytuǧa arnalǧan jaŋa buyn oqulyqtary daiyndalady. Balabaqşa tärbieşılerıne arnalǧan ädıstemelık qūraldar men balalarǧa arnalǧan «Mening ilk izoҳli luǧatcham» («Menıŋ alǧaşqy tüsındırme sözdıgım») atty illiustrasiialyq sözdık jaryq köredı. Balalarǧa arnalǧan zamanaui animasiialyq beine jäne audiomaterialdar da şyǧarylady.
Özbekstan ǧylym akademiiasyna 2026 jyldyŋ 1 mausymyna deiın köptomdyq «Özbekstan ūlttyq ensiklopediiasynyŋ» elektrondy nūsqasyn daiyndau, al 1 jeltoqsanǧa deiın «Ona tili. Qomus» («Ana tılı. Ensiklopediia») kıtabyn baspaǧa äzırleu tapsyryldy.
Qūjatta jasandy intellekt negızınde özbek tılın qoldaityn elektrondy platforma äzırleu de qarastyrylǧan. Būl joba jaŋa terminderdı tırkeu men talqylauǧa, qoldanystaǧy sözdıkterge aşyq qol jetkızuge mümkındık beredı.
Özbek tılınıŋ halyqaralyq bedelın arttyru maqsatynda jyl saiyn qazanda halyqaralyq ǧylymi-praktikalyq konferensiia, şeteldık studentter arasynda respublikalyq olimpiada jäne «Ўzbek tili – qalbim tarjimoni» («Özbek tılı – janymnyŋ ainasy») baiqauy ötedı. Sondai-aq «Jonajon ўzbek tilim» («Menıŋ süiıktı özbek tılım») atty şyǧarmaşylyq konkurs pen jalpyūlttyq diktant ūiymdastyrylmaq.
Alişer Nauai atyndaǧy halyqaralyq özbek tılı olimpiadasynyŋ jeŋımpazdaryna «Özbek tılı men ädebietı» mamandyǧy boiynşa memlekettık grantpen joǧary oqu oryndaryna tüsu mümkındıgı berıledı. Şeteldık studentter Taşkent memlekettık özbek tılı jäne ädebietı universitetı janyndaǧy tegın kurstarǧa qatysa alady.
2026 jyly ūlttyq mädeni ortalyqtar ökılderıne arnalǧan özbek tılı kurstary keŋeitıledı.
