Ýkraına syrtqy ister mınıstrligi Reseıdiń Krıvoı Rog qalasyna jasaǵan joıqyn shabýylynan keıin BUU Qaýipsizdik Keńesi men EQYU turaqty keńesiniń shuǵyl otyrystaryn ótkizýge bastama kóterdi. Ýkraına syrtqy ister mınıstriniń orynbasary Andreı Sıbıga X áleýmettik jelisinde bul shabýyldy "soǵys qylmysy" dep atap, halyqaralyq qaýymdastyqty Reseıdi batyl aıyptaýǵa shaqyrdy, dep habarlaıdy "Adyrna" ulttyq portaly Azattyq radıosyna siltep.
Juma kúni oryn alǵan ballıstıkalyq zymyran shabýyly saldarynan 20 beıbit turǵyn qaza tapty, onyń ishinde toǵyz bala bar. Taǵy 30-dan astam adam jaraqat alyp, aýrýhanalarda em qabyldaýda. Bul – 2022 jyldan beri bir mezette eń kóp ýkraın balasynyń ómirin qıǵan shabýyl.
Sıbıga óziniń H áleýmettik jelisindegi paraqshasynda jazdy.
"Reseı kádimgi turǵyn aýdandy – balalardyń oıyn alańyn – ádeıi nysanaǵa alyp, qurbandar sanyn kóbeıtý maqsatynda kassetalyq qarý qoldandy. Bul soǵys qylmysy, jáne búkil álem buǵan kóz juma qaramaýy tıis" – dep jazdy.
9 sáýirge deıin Krıvoı Rog qalasynda aza tutý jarııalandy. 7 sáýir kúni qala turǵyndary tórt bala men bir áıeldi sońǵy saparǵa shyǵaryp saldy. Jergilikti turǵyndardyń kóńili júdep, el ishindegi aza tutý kóńil-kúıi kúsheıdi.
Reseı tarapy shabýyl nysanasy áskerı máni bar meıramhana boldy dep málimdedi.
"Shabýyl áskerı komandırler men Batys elderiniń nusqaýshylary qatysqan jıyn ótken orynǵa baǵyttaldy. Reseı áskeri áleýmettik nysandarǵa shabýyl jasamaıdy" – dedi Kremldiń baspasóz hatshysy Dmıtrıı Peskov.
Alaıda halyqaralyq BAQ bul málimdemeni joqqa shyǵaratyn derekter usyndy. "Nastoıaee Vremıa" jáne "France24" arnalary jarııalaǵan vıdeomaterıaldarda zymyran túsken oryn – turǵyn úı kesheni mańyndaǵy meıramhana – kórsetilgen, onda áskerı adamdar múldem baıqalmaıdy.
Ýkraına úkimeti halyqaralyq qaýymdastyqtan naqty áreket kútýde. 8 sáýirde ótedi dep josparlanǵan BUU Qaýipsizdik Keńesiniń jáne EQYU turaqty keńesiniń otyrystarynda bul shabýyldyń zańsyzdyǵy men saldary talqylanady.
"Reseıdiń ýkraın balalaryn qyryp-joıýyn toqtatýǵa, soǵysty toqtatýǵa baǵyttalǵan naqty jáne batyl qadamdarǵa barýǵa shaqyramyz" – dedi Sıbıga.
