AQŞ şyǧysyndaǧy joiqyn dauyldan 16 adam qaza tapty

AQŞ-tyŋ ortalyq-şyǧys bölıgınde soqqan joiqyn dauyldar saldarynan kemınde 16 adam qaza tapty, dep habarlaidy "Adyrna" ūlttyq portaly Deutsche Welle basylymyna sılteme jasap. Jergılıktı bilıktıŋ mälımetınşe, qatty jauǧan jaŋbyrlar keŋ kölemdı su tasqyndaryn tudyrǧan. AQŞ-tyŋ ūlttyq meteorologiialyq qyzmetı (NWS) 6 säuır künı taǧy da qauıptı aua raiy qūbylystary kütıletının eskerttı. Arkanzastan Ogaioǧa deiıngı aumaqty qamtyǧan dauyl jüiesı soŋǧy künderı ǧimarattardy qiratyp, joldardy su basuyna äkelıp, ondaǧan tornado tudyrǧan. Eŋ köp zardap şekken — Tennessi ştaty. Būl ştattyŋ batys bölıgınde ǧana 10 adam qaza tapqany habarlandy. Kentukkide su tasqyny saldarynan ekı adam, sonyŋ ışınde avtobus aialdamasyna bara jatqan 9 jasar bala qaza boldy. Būl turaly ştat gubernatory Endi Beşir mälımdedı. "Aitarlyqtai küştı jäne keŋ auqymdy kenetten bolatyn su tasqyndary kütılude. Adam ömırı men mülıkterge ülken qauıp tönıp tūr", – dep habarlady AQŞ ūlttyq meteorologiialyq qyzmetı. Jergılıktı bilık pen BAQ mälımetıne säikes, taǧy ekı adamnyŋ ölımı Missuri men İndiana ştattarynda tırkelgen. 6 säuır taŋyndaǧy jaǧdai boiynşa Arkanzas pen Tennessi ştattarynda 100 myŋnan astam adam elektr quatynsyz qalǧan.