Prezident Qasym-Jomart Toqaev Qazaqstannyŋ 2020–2030 jyldarǧa arnalǧan Syrtqy saiasat tūjyrymdamasyna özgerıster engızdı. Eŋ eleulı jaŋalyqtardyŋ bırı – qūjattan Qazaqstannyŋ tūŋǧyş prezidentı Nūrsūltan Nazarbaev turaly eskertulerdıŋ alynyp tastaluy, dep habarlaidy «Adyrna» tılşısı «Aq Jaiyqqa» sılteme jasap.
Memleket basşysy tūjyrymdamaǧa özgerıster engızu turaly jarlyqqa 14 tamyzda qol qoiǧan. Qūjattyŋ būǧan deiıngı redaksiiasynda negızgı qaǧidattardyŋ bırı retınde «el damuynyŋ jaŋa kezeŋındegı Tūŋǧyş Prezident – Elbasy N.Ä. Nazarbaevtyŋ syrtqy saiasi baǧytynyŋ sabaqtastyǧy» körsetılgen edı. Endı būl tarmaq eks-prezidenttıŋ aty-jönı atalmai, «el damuynyŋ jaŋa kezeŋındegı syrtqy saiasi baǧyttyŋ sabaqtastyǧy» dep özgertılgen.
Sondai-aq tūjyrymdamadan Nazarbaevtyŋ syrtqy saiasattyŋ asa maŋyzdy mäselelerı boiynşa bastamalarymen halyqqa, memlekettık organdar men lauazymdy tūlǧalarǧa ömır boiy jügınu qūqyǧy turaly ereje tolyǧymen alynyp tastalǧan.
«7-taraudyŋ 1-tarmaǧy alyp tastalsyn», – delıngen jarlyqta.
Tūjyrymdamanyŋ mätını jaŋa Konstitusiiaǧa säikes keltırılgen. Atap aitqanda, «azamat» ūǧymy «Qazaqstan Respublikasynyŋ azamaty» dep özgertılse, «Täuelsızdık» jäne «Egemendık» sözderı bas ärıppen jazylatyn boldy, al «Parlament» sözı «Qūryltai» sözımen auystyrylǧan.
Aita keteiık, özgerıster jarlyqqa qol qoiylǧan künnen bastap küşıne endı.
