Búgin Qarjy monıtorıngi agenttiginiń baspasóz qyzmeti Perızat Qaırat pen onyń anasy Ǵaını Alashbaevaǵa qatysty jańa málimetterdi jarııa etti, dep habarlaıdy “Adyrna” ulttyq portaly.
QMA esebinde 2025 jyldyń 14 naýryzynda Perızat Qaırat pen onyń anasy Ǵaını Alashbaevanyń áreketteri kelesideı dárejede dep kórsetilgen:
"Olarǵa alaıaqtyqtyń asa iri kólemde jasalýyna jáne qylmystyq jolmen alynǵan qarajatty zańdastyrýǵa kúdikti dep tanyldy".
Perızat Qaırat 2021-2024 jyldar aralyǵynda qaıyrymdylyq kómek kórsetý maqsatynda halyqtan aqsha jınaǵan. Onyń aıtýynsha, bul qarajattar muqtaj balalarǵa, Palestına jáne sý tasqynynan zardap shekkenderge kómek kórsetý úshin jumsalmaq bolǵan.
Tergeý amaldarynyń nátıjesine saı, jalpy urlanǵan qarjy kólemi 3,5 mlrd teńgeni qurady.
Perızat Qaırat "Biz Birgemiz Qazaqstan 2030" qoryna túsken qarajatty óz jeke jáne anasy Ǵaını Alashbaevanyń esepshottaryna aýdaryp, keıin olardy zergerlik buıymdarǵa, kıim-keshekke, jıhaz ben saıahattarǵa, jóndeý qyzmetterine, avtokólik jaldaý jáne basqa da shyǵyndarǵa jumsaǵan.
Eske salsaq, 2024 jyly 1 sáýir men 15 qarasha aralyǵynda Perızat Qaırat sý tasqynynan zardap shekkenderge kómek kórsetý maqsatynda "Biz Birgemiz Qazaqstan 2030" QQ-nyń esepshotyna 2,8 mlrd teńge jınalyp jymqyrylǵany anyqtaldy.
"Qylmystyq tabysty jymqyrý maqsatynda ol 16 seriktes jeke kásipkerlermen metaldan jasalǵan kıiz úıler, qaıyqtar, etikter jáne basqa da zattardy jetkizý jóninde jalǵan kelisimder jasasqan. Alaıda bul kelisimder is júzinde oryndalmaǵan”, delingen QMA baspasóz qyzmeti habarlamasynda.
