Almaty polisiiasy Nūrsūltan Nazarbaevty jetı jylǧa jürgızuşı kuälıgınen aiyrdy. Būl turaly CMN.kz jariialady, dep habarlaidy “Adyrna” ūlttyq portaly.
2024 jyldyŋ 4 aqpanynda Seifullin daŋǧyly men Tobaiaqov köşesınıŋ qiylysynda bilık ökılderı Toyota Camry kölıgın toqtatty. Jürgızuşı 23 jastaǧy Nūrsūltan Nazarbaevtan alkogoldık mas bolu därejesın anyqtau üşın tütıkke dem berudı sūraǧan.
Sodan keiın eks-prezidenttıŋ aty-jönımen ūqsas azamatty medisinalyq tekserısten ötkızıp, sot prosesı ötıp, 15 täulıkke qamauǧa alǧan. Nūrsūltan Nazarbaev jetı jyl merzımge kölık qūralyn basqaru qūqyǧynan aiyryldy. Poliseiler kölıktı tūraqqa apardy.
Şeşımmen kelıspegen jürgızuşı appeliasiialyq şaǧym tüsırgen. Ol öz ötınışınde däleldı sebepsız toqtatylǧanyn jäne alǧaşqy medisinalyq tekseruden nätije şyqpaǧandyqtan, alkogoldık mas bolu därejesın anyqtau üşın zaŋsyz qan tapsyruǧa mäjbür bolǧanyn körsetken.
Taraptardyŋ pıkırın tyŋdaǧan Almaty qalalyq soty 9 aqpanda bırınşı instansiianyŋ şeşımın özgerıssız qaldyrdy. Nūrsūltan Nazarbaev 15 kün qyzmet körsetıp, jetı jyl boiy taksi men qoǧamdyq kölık qyzmetın paidalanuy kerek.
